Versets bíblics populars de لوکا 22

Comparteix

”او منی پت! اگن تئیی رزا اِنت گڑا سکّیانی اے پیالها چه من دور کن، بله منی واهگئے سرا نه، هما پئیما که تئیی رَزا اِنت.“

بله من په تئو دْوا کرتگ که تئیی ایمان زئوال مبیت. گڑا وهدے تئو پدا منی نێمگا آتکئے، وتی براتانی دلا ڈَڈّ کن.“

نگنی هم زرت، هُدائے شُگری گپت، نگنی چُنڈ چُنڈ کرت و کاسدانا داتی. گوَشتی: ”اے منی بدن اِنت که په شما کُربانیگ کنگَ بیت. اے کارا په منی یادگاریا بکنێت.“

همے ڈئولا، چه ورگا رَند پیالهے زرت و گوَشتی: ”اے پیاله نۆکێن اَهد و پئیمان اِنت، گۆن منی هۆنا بندۆک اِنت که په شما رێچگَ بیت.

ایسّا گرانێن رنجێا دُچار اَت، پمێشکا گێشتر دْوایی کرت و آییئے هێد هۆنئے ترَمپانی ڈئولا زمینئے سرا پِٹِّتنت.

بله شما چۆ مکنێت، بِلّێت که شمئے مسترێن، کَسترێنئے ڈئولا ببیت و شمئے هاکم، هِزمتکارئے ڈئولا.

ایسّایا گوَشت: ”او پِتْرُس! من ترا گوَشان که مرۆچی تئو چه کرۆسئے بانگا پێسر منی پَجّاه آرگا سئے رَندا اِنکارَ کنئے.“