Versets bíblics populars de Rom eyŋ e lɛl 3

Comparteix

ɛl fɛŋ -nʼↄny sikpl, ɛtŋ ɛgŋ kaka ↄ́tum kokm low sↄbↄ a eke Nyam am ibrm a iym nɛny. Gbɛkↄ Nyam in ecʼɛrm mamn ab ɛm, bʼɛcr Jesu Krist eke bi sↄg ɛl sikpl ecʼabu ɛm a, ↄŋ ɛl -lʼel nyim nyim ↄfr ɛm.

Nyam bʼↄŋ agŋ él nyim nyim in ecʼany af ɛl ecʼↄmn a eke -li bʼoc -lʼɛlu Jesu Krist ɛm a sosiɛm. Li bi kok low na nʼↄŋ agŋ a fɛŋ eke bʼↄny ↄmn Krist ɛm a, aŋke ɛl fɛŋ -lʼel kpɛŋ kpɛŋ

Nyam ikŋ anym bɛbm ɛw es eke Jesu kʼok in e mebl ab es egb waw ɛm. Ɛtŋ in ecʼegb waw ab ɛm, Jesu ɛŋn agŋ a ekʼↄny ↄmn in ɛm a e sikpl a ecʼoc ap. Nɛnɛ a, Nyam erur eke ki yɛgm elel eke lʼel nyim nyim sɛgŋ fɛŋ a: lɛgŋ sig ɛm a, lʼeku low ɛtŋ lʼɛwm low nʼↄↄm agŋ ɛl e sikpl a eci. Kↄ yɛfɛnyna ɛm a, Nyam am yɛgm elel eke li bʼↄŋ agŋ el nyim nyim in ecʼany af a. Tasi ɛm a, nʼam erur eke li kʼel nyim nyim ke nʼↄ́ŋ agŋ a ekʼↄny ↄmn Jesu ɛm a yɛji él nyim nyim.

Na sosiɛm anake ɛgŋ yecʼeke kʼɛlum Nyam ecʼol a e low fɛŋ ekʼanŋ ɛm a, ke ow sosiɛm Nyam ócʼr ɛsɛ ɛgŋ nyim nyim af in ecʼany af a, ɛgŋ kaka kʼanm eke kʼↄtu kok ɛbɛn a. Tasi ɛm a, ol, low nyam cɛ li bi kok: li bʼↄŋ agŋ abusu uw any eke -nʼↄny sikpl.

Ɛtŋ kin yecʼeke Nyam Lɛl dad: Ɛgŋ kaka anm eke el nyim nyim, ɛgŋ nyamni bↄbↄ yɛji anm! Ɛgŋ kaka ↄnym nuŋ ɛm, ɛgŋ kaka ↄ́lm Nyam es! Ɛl fɛŋ -nʼŋgboŋ ejagb mamn ab af, ɛtŋ -nʼuŋ ɛl fɛŋ. Ɛgŋ kaka am kokm low mamn, ɛgŋ nyamni bↄbↄ yɛji!

Ɛɛ, kin ow eke sʼam tutr a: agŋ bʼel nyim nyim aŋke -li bʼↄny ↄmn, kↄ ow elm eke -li bi kok ol ecʼów a fɛŋ ekʼam ibrm a sosiɛm.

Njaŋ ow kʼow elm ɛbɛn! Kin yecʼekʼit eke si kʼuw any: Nyam el nɛny nyam ɛs, kↄ agŋ a fɛŋ anake el ayadŋu a. Tasi ɛm a, Nyam Lɛl dad Nyam e lís ninɛ: Ow it eke wɛl kʼuwʼŋ any nyim nyim ŋ e sodad ebl ɛm. Ɛtŋ eke wɛl bi jɛj ŋ owi ok, ke ↄ́ny low ij jɛj ok ab ɛm.