Versets bíblics populars de LOOMƐITIƐ 5

Comparteix

Tɔwɔ Gala ka wõilai lɛɛzu é zéea de ʋaa ma toku ge zei ga de ɣɛni nɔ ga faa yowũ‐ɣɛɛ vea Kolai za de ʋaa ma.

Tɔwɔ de ɣi‐to‐suvɛ lɛ wuloa de wu dɔ vɛɛ ya, ƃɔvɛ‐laale Gala ge ná wõilai wua de yii zu baa ŋinɛgi é tevega de wɔ sáala zu.

Ɛ́ lɛ nɔ wɛ̃ɛga na va. A da wuu zu nɛɛ da laa‐nɔwɔ‐wogi zu kwɛ̃ɛ pele ma de vɛ ga daa‐nɔwɔ‐wogi ɣa a va ga zii‐lɔɔ, zii‐lɔɔ wɔ ge nu zu ƃaa tuo vagɔ‐wogai zu, tuo vagɔ‐wogai kɛ nu ɣi‐to‐su ɣɛ ma.

Tei tɔwɔ Gala gɛ lɛ de ɣɛɛ‐zɔ yowũi vɛɛni de va ga faa da yee‐la‐mai mavele ma, zii laavɛ de ʋaa ma de maliɣii Ziizɛ Kolai zaala zu. Saala zu ɣa maa‐wõi‐ɣaa ƃɔ‐bai nii maa zɔlɔ wogɛi la de vɛ de malogi zu. Na ɣa‐ɣɛɛ na da wuu zu nɛɛ de ɣi kɛɛ ʋai ma ba ga de wɔɔ laa ɣe Gala na saala‐malai va.

Tei dɛ ƃɔɔ nɔ ɣɛɛ‐zu lɛ ŋɛni de vɛ Kolai zaani de ʋaa ma, dai de ga Gala tuo‐wo tala vea. É kɛɛni kɛɛ‐zu.

Tei tɔwɔ maŋamai kɛɛ de ɣɛɛ‐zɔ yowũi lɛ ɣɛɛzu de va ga faa, vele nɔ na kɔnɔ Gala na zii‐ɣaa‐wãlai ɣa ʋoolo la de va sáala zu.

Ƃɔvɛlaale velei nɔ nu ɣila na goo‐mɛni talai kɛɛni la nu lamaa ɣɛ ga faa yowũ‐ɣɛɛ vea, vele nɔ nu ɣila na goo‐mɛni‐kuloai ɣa nu lamaa ɣɛɛ la ga tele‐bo tuo‐wo bea.

Ɛ́ lɛ nɔ ga na. Kɛ̀ a da kuu‐zu‐nɛɛ wulo Gala maʋai zu de maliɣii Ziizɛ Kolai zaala zu. Towa é ɣɛɛ ga zaƃu a da Galani de yɔɔzu ƃɛtɛɛ.