Versets bíblics populars de LOOMƐITIƐ 12

Comparteix

A mɛ lɛ ŋeteai nii zu ʋai ziɣi wɔ kɛ ga ɣɛɛ ʋaa. Kɛ̀ wo ɣigi‐ɣɛɛ ʋai ga maniinɛ nà mavele ma, a luo vele maa ʋeli kɛɛ ʋaa ma nii é ga Gala zii‐mai wo maʋaa wu ɣaa ziɛ. Na ɣa ga nii pagɛi é ga Gala faa‐bu ʋai nii maa‐wulo‐zu lɛ kɔnɔ ɣɛɛ ba.

Gà wo maa nɛɛnɛsu, nà numaa, Gala na gaazu‐maa‐wõi‐ɣai zaala zu ga wo wo maa lɔtɔi wulo ga ʋulu‐su zalaɣa maa wuai é ga ŋɛnii nii Gala ka yee zei bu. Nii ɣa é ga Gala zeke‐kɛi nii kuloai wo yii zu.

A kuu‐zu‐nɛɛ wulo wa ɣi‐togi zu wo yii ƃoale faa ƃoei zu wo ɣili Gala‐felia va.

Mɛ lɛ ƃe ba faa yowũ yee ɔ́ zoo è la, kɛ̀ to mu kɛ è yee leve faa yowũ va ga faa vagɔ‐ɣɛɛ.

A wõi ga ɣiini wiɛ kɛ ga leɣe ƃɔga liɛ ta wõila ɣi‐gaa‐ziɛi yá ɣɛ te ɣa é vile ɣiini ba. A ɣaa ƃaa ga wo yee leve ɣiini ba wũfe‐ma luo‐woga zu

A ƃe ba wõilai ɣɛ wo ya ga ƃɔɔƃɔɔ su wõila. A zili ga faa yowũ wo ɣata faa vagɔ‐ɣɛɛ va.

Ani nɔ towaa zolowo wo ya, a ŋeteai ɣɛ ga zii‐laa vele nu pɛ zeea.

Wõila veaitiɛ, a mɛ lɛ wɔlɔ‐wɔlɔ faa woto kulo wa ƃɔɔ. A zii‐ɣaa‐wãla ɣalama yɛ Gala zeea, ƃɔvɛlaale ponɛvɛ Gala kɔlɔi zu de maliɣii yɛ ɣɛ tea, “Pɔ̀ɔ laa ɣa ga faa‐woto‐kuloai. Nà ɣa gà faa woto kulo.”

wo ʋii mɛ lɛ wɔlɔ‐wɔlɔ ƃɛɛ ga wɔɔlɔɔ Gala maʋaa zu. Gala baa ŋinɛgi ɣɛɛ ʋai wo ma, a ƃe ba numaa te pɛtɛ wo ɣaazu, wiɛ tii ɣɛ de maliɣii vɛ.

Gaazu‐maa‐wõi‐ɣaa ƃɔ‐bai Gala ge boga gàazu sáala zu, gà bosu nu ɣile‐giledai ma wo zaama ga é mɛ lɛ ɣi gaa ziɛ ƃɔɔ ʋaa ma ga bɔɔlɔ ɔ́ leve velei va pagɛi é ɣi gaa ziɛ la. Kɛ̀ to mu é ɣi gaa ziɛ é vile ƃɔɔ va ga gaa‐vele‐laa vele. Nu ɣile‐giledai ɣa kɛ é ɣɛ velei nɔ yá zolowo da zee‐la‐ma liigoi ma Gala ge feea zeéa.

A mɛ lɛ faa yowũ woto kulo nu ma ga faa yowũ. Kɛ̀ a ɣi gaa ziɛ tuoi nii ma pagɛi nu pɛ gaazu.

A goo‐la‐ma luo wo ga ɣiini. A mɛ lɛ ɣɛ ga gaazu‐lɛɛ vea, kɛ̀ a yee vili kii zu wa mɔɔlɛ vea. Wo ʋaa mɛ lɛ wɔlɔ‐wɔlɔ wɔɔlɔ ƃɔɔ ɣaazu.

A mɛ lɛ na ɣɛ. Kɛ̀ a kɛ è ɣɛ velei ponɛi la Gala kɔlɔi zu ga “Pulu ɣa ɣɛ è zili nu ma, kɔ. Kpoale‐wõi ɣa ɣɛ ma, è ziɛ leve pɔ. Ƃɔvɛlaale nii ɣɛɛ vele ma yìɛ ŋabu ɣa na yà ɣɛ gaa lɛɛzu wũgi ma.”

A tuuyiɛ loo niitiɛ ma ta wo ƃɔɔla. A tuuyiɛ loo te ma wo mɛ lɛ te woto. Niitiɛ ta ɣɛ kuu‐zu‐nɛɛ wulozu, a vɛɛ te va wa tiɛni wo wuu zu nɛɛ. Niitiɛ ta ɣɛ wɔlɔzu, wo vɛɛ te va wa tiɛni wo wɔlɔ.

Niitiɛ te wuloai su ga tee ga Gala na numaa, a yee vɛɛ te yee va te ƃala‐ma ʋaitiɛ zu wo ɣaa ƃaa gaazu‐wodo luo‐wogai ma.

Su‐wulo‐zuvɛ ɣaa. È ɣɛ velei nu lɔtɔi la, tɔ ɣilekpu to‐suvɛ lamagɛi tɔwɔ to‐suvɛtiɛ ƃɔgɔpɛ ta liitiɛ tɛ lɛ ƃɔni. Vele nɔ na na de la. Velei ƃalaa de lamagɛi la, da ga dɔtɔ ɣilekpu de ɣɛɛ vele ma su ɣilekpu da Kolaini. Da ɣaa wɛɛ na su ga gile‐gile da ɣɛ ga ɣiini baa‐lo‐ba.