Versets bíblics populars de LOOMƐITIƐ 10

Comparteix

Ƃɔvɛ‐laale ani yà kulo na la è bo ga woo ga Ziizɛ ɣa é ga de maliɣii, na ɣa ɣɛɛ na è siɣi ga gaama è ɣigi zu ga Gala ge bu ziɣini saa ya, yà valo.

Toku ge zei ga nu ɣa Kolai maʋaa ziɣi ga gaama ɣigi zu, na ɣɛ ga zaƃu manui ɣɛɛ‐zɔ yowũi lɛ ɣɛɛ ba ga faa. É maʋai wulo la é bo ga woo, na ɣɛ ga zaƃu é valo.

Na ma zee‐la‐ma ɣa wulo fai nii zu nu mɛniga. Nii wɔgi nu mɛniga maʋai ɣa wulo Kolai mawoi‐wogai zu.

Gala kɔlɔi ɣa bosu yíɛ ɣɛ tea, “Nu ta nɛpɛ gɛ lɛ maʋaa ziɣia ga gaama manui ɔ́ wũfe.” Toku ge zei ga Dusi nu lɛ ga tee Geliiki nu ɔ́ ɣɛ ga tee. De maliɣi gilagi nɔ ɣa é ga zɛ‐sɛ pɛ maliɣi yíɛ weli tama‐tamagi ɣɛ ga faa‐nɛɛ niitiɛ ɣaazɔ vɛ te ná daa‐zeigi lilisu. Ƃɔvɛlaale “Nui nɛpɛ é de maliɣii na daa‐zeigi lilisu towaa valo.”

Numaa wɔ ta Gala goi wo ɣɛ le ani tɛ lɛ te leveni na ma? È ɣɛ velei ponɛi la Gala kɔlɔi zu mawoi ga “Taitiɛ te vaazu tiɛ woo niinɛ vagɔi wo te wɔwɔitiɛ maʋaa wala maa nɛɛvɛ siɛi nii zu!”

Kɛ̀ numaa ta leve ɣɛ le te nu na daa‐zei tili nii tɛ dɛ maʋaa ziɣini ga gaama? Ta leve ɣɛ le te nui nii maʋaa ziɣi ga gaama tɛ lɛ dɛ wɔlɔ‐wɔlɔ faa mɛnini ɔ́ vile ba? Tɔwɔ ta leve ɣɛ le te faa mɛni é vile ba ani Gala goo‐wo nu lɛ na?

Su‐wulo‐zu ɣa ga Kolai ɣa é ga tɔgi maʋaa mawɛ̃ɛ pele ma. Nii ɣɛɛvɛ ga nui nɛpɛ zee‐la‐ma ɣa ɣɛ zéea kɛɛ‐zɔ yowũi mɛ lɛ ɣɛ ba ga faa.