Versets bíblics populars de FAA WULOAI KƐNƐ MA 3

Comparteix

A wɛlɛ! Gà loni kpo zeɣei la gìɛ tuƃo. Ani nu nɛpɛ ka gòi mɛni na, towaa kpogi laa lao gè lɛ pɛlɛi wu gè li pɔ́ vɛ gé laa mi gá tɔ.

Tɔ ɣɛɛzu tea, ‘Gè wa liitiɛ wɛ̃ni. Wo ɣaa lɛ leini, wo ɣaa wɔ gɛ lɛ wɔnɔ wui‐wuini. Kùu zu ɔ́ nɛɛ ga ani wo ɣaa ɔ́ lei na ɔɔ ani wo ɣaa ɔ́ wui‐wui na! Na ma tei tɔwɔ wɛ lɛ leini ɔ́ nɔ ɣɛ ga wo ʋile wo nɔ dɔ̃‐dɔ̃, gà laa lifesu ga wiɛ.

Numai niitiɛ gè te wõini gà yii ɣaa wãla te ma gè te ɣɛɛ‐zɔ kulo te yee ma. Na ma a wɔɔlɔ màʋai zu wo wulu ɣaa ʋe faa yowũ va.

Tɔ ɣɛɛzu tea, ‘Gè wa liitiɛ wɛ̃ni. A wɛlɛ, gè kpo daa laoga wo luo nii zobo gɛ lɛ nu nɛpɛ bɛ ɔ́ daa wulu. Gè kwɛ̃ni ga gaa‐ƃaa wolo nɔ ɣa é wo ya. Na pɛ ge ɣɛɛvɛ wo ɣɛɛvɛ ziɛzu ga gòi, wɛ lɛ nà daa‐zeigi maʋaa zakpeni.

Nui zée ɣa ziɛ ná wu, gà ʋa bu zéea ga gá tɔ gé zei nà masa kpɔkpɔgi ɣa, è ɣɛ velei nɔ zèe ziɛni la ná wu gá kèea Gala gé zei ná masa kpɔkpɔgi ɣa.

Ƃɔvɛlaale wa ɣɛɛzu tea, gé ƃɛtɛvɛ, ŋetea nɛi gé ma, ŋɛni ta nɛpɛ maƃala lɛ gé ma. Tɔwɔ wɛ lɛ kwɛ̃ni ga wo yii zuulivɛ wo maa wõiyai wo mɔɔlɛi wo ɣaazu wuai tete loai wiɛ.

Tei tɔwɔ wo zia ga gòi gè boga wiɛ ga wo yii la, su‐wɔ̃ɔ siɛgi é vaazu zuu pɛ su ga su‐wɔ̃ɔ ge wo ga numaitiɛ te zui ɣa, gà wo wuo maʋai zu.

Su lɛ woozasu gè va. A ɣata nii va wo kɛɛzu, kɛɛ ʋaa ma nu ta mɛ lɛ va wa ƃaa‐la‐ma wɔɔlɔgi ziɣizu.

Nii wo yɛga ma maʋaa ɣɛ é ƃea gá, nii sa é yɛga na wulu a ɣaazu lao na wo maʋaa wũ bu ziɣi. Ƃɔvɛlaale gɛ̀ dɛ wɛlɛni wa liitiɛ va tɔ ɣɛ ga ŋɛnii nii maa‐wulo‐zu lɛ maʋaa va nà Galagi ɣaazu.