Versets bíblics populars de MAKI 9

Comparteix

Ziizɛ ɣɛ ma,“? Yà ɣɛɛzu tea, ‘Ani yà zoo’? Nui zee‐la‐ma zéea, faa pɛ ka zolowo zéea.”

É lobani ga maa ʋilea é ɣɛ tea, “Gè siɣia ga gaama. Ƃɔ bà nà zee‐la‐ma lala ʋai zu!”

Tei Ziizɛ liini pɛlɛi wu, ná kala dopoitiɛ te gaa zaɣa kɛɛni ta lee‐lee ŋada ɣila te ɣɛ ma, “Zɛƃɛ ɣa é kɛ gɛ́ lɛ zooni gɔ́ gɔʋɛi ƃɛ pulu?” É ɣɛni te ma, “Nu lɛ zooga ɔ́ na mazii ƃɛ nu wulu ga ŋɛni ta ƃɔnɔ nɛpɛ é wulo Gala‐felia wulu.”

Kpolo vagɛ. Kɛ̀ ani kpolo mayɛmi ka wulo na ba, wa sa wa leve kɛ le é ɣɛ ba? Pagɛ wo yɛmi è ɣɛ kpolo, wiɛ zii‐laa luo wo ga ɣiini.”

“Nui nɛpɛ yá yee zei nii ɣavele lopo woloi ta wu nà daa‐zeigi zu manui yee zeiya bù. Tɔwɔ nui nɛpɛ yá yee zei bù, nà lɛ na ɔ́ yee zei bù. Kɛ̀ nui é tèvega tɔ na é yee zeiya bu.”

Gè bo wiɛ ga gaama, nui nɛpɛ yá kɔpu gila fe wo ya kpoale yiɛ zu ga wo kpoale Kolai na daa‐zeigi ɣɛɛ ʋai zu wo va, manui leve pɛ ma pɛ ná faa‐nɛi zu‐lɔnɔi lɛ viliga bɛ́.

Ziizɛ ɣɛni tea, “Lopa woloi niitiɛ te màʋaa ziɣia ga gaama, nui nɛpɛgi yá kɛ ta ziɣi pele va, ɔ́ ɣɛ ga faa vagɔ manui ʋaa ma ga te kwɔti vii‐vii sɛlɛ kɔgi va te lii la te pili yuwu wu.

Ani wɔnɔ è ɣaazu ɣɛzɛgi ɣa ɣɛɛzu ga zaƃu ga è ziɣi pele va, kulo na. Tɔ ga faa vagɔ ga è lɛ Gala na masadai zu ga ɣaazu ɣile é leve è ɣaazu ɣɛzɛ felegɔi pɛ zɛga va è wũ ba te è vili daa‐nɔwɔ‐wo ŋada laavɛ