Versets bíblics populars de MAFIYU 23

Comparteix

Nui é ga nu walai é leve wo pɛ wo va towa é ga wa lii‐ɣee nui.

Nui nɛpɛ yá ƃɔɔ ʋaa wɔɔlɔ, manui ɣa yii bu. Nui nɛpɛ ɛ́ lɛ ƃɔɔ ʋaa wɔɔlɔɔ, manui ɣa wɔɔlɔ.”

“Kpalo velivɛ wo ma, wai wo ga tɔ‐dɛɛ ɣala‐mɔitiɛ wa ƃɔga Favilesiitiɛ, wai ŋɛ ni wo laa nɛi wo wũ ba! Ƃɔvɛlaale wa gulu‐wuluga ɣaa wɛɛ su puu wiɛ sei‐zu ɣile‐gile fe Gala bɛ ga faa‐nɛɛ. Niitiɛ wɔgi te ga faa ɣaa wua Gala na tɔgi ʋaa va, wo laa wuloa te ɣɛɛ ʋaa zu. Natiɛ ta ga tele‐bo, gaazu‐maa‐wõi‐ɣaa‐woga é vɛɛ nu ɣɛɛ va ga nui nu laa la. Maa nɛi ɣɛ wo fai niitiɛ ɣɛ. Fai zɔitiɛ wo te ɣɛɛzu nà lɛ ƃega te ɣɛɛ ʋaa ziɣi ma.

“Kpalo velivɛ wo ma, wai wo ga tɔ‐dɛɛ ɣala‐mɔitiɛ wa ƃɔga Favilesiitiɛ, wai ŋɛ ni wo ga daa‐nɛɛ‐wũ‐ba veaitiɛ! Ƃɔvɛlaale wa kɔpui wulu vele maa ziɣi é vɛɛ peletei wuluvɛ vele va. Te zuvɛ vele wɔ daa ʋegɛi wo ya ga woia‐ŋɛni‐zɔlɔ‐woga ta ŋɛni‐wòi‐kulo yii‐ma‐ɣɛɛ‐woga.

Ziizɛ ɣɛni tea, “Ee Yɛlusulɛɛ lai, Yɛlusulɛɛ lai, yài è Gala daa woo‐wo beaitiɛ vaazu, niitiɛ te levegɛi è wɔ yìɛ te vaa ga te zɔɔ ga kwɔti, siɛ tamaa zu gɔ̀ wõi ɣɛ gè è zu veaitiɛ ɣaa lɛ ba è ɣɛ duu dee lɛɛ ɣa dea ɣaa lɛ ba wove bu, tɔwɔ tɛ lɛ ƃega kɛ!

Vele nɔ na ƃalaa wo la ga tele‐bo tuo‐wo bea podo ɣala‐kala‐ga vele, tɔwɔ wo yii zu vele laa ʋegɛi ga daa‐nɛɛ‐wũ‐ba luo ta tuƃo vele yowũ.”