Versets bíblics populars de LUKI 3

Comparteix

Tei sa te bataize ɣɛɛni ga nui ɣaazɔ, te bataize ɣɛ ƃalaa pɛ ga Ziizɛ yíɛ sa Gala feli, gee wɔlɔgi laa laoni. Gala baa ŋinɛgi yiini má dɔtɔi nii zu nu ɔ́ ɣaazu la ma. Ɔ̀ ka ga ƃiiƃɔku ɣavele. Woo ta wɔ ge wuloni gee wɔlɔgi zu yíɛ ɣɛ tea, “Yà ɣa è ga ẁõila lui, nii zìi wala lai máʋai vɛ.”

Jɔ̃ te pɛ te woi ɣaa woteni é ɣɛ tea, “Gà bataize ɣɛɛzu ga wiɛ ga ziɛ. Kɛ̀ nui kée ɣaa ƃai é leve bà tɔ vaazu. Tɔ ga nui gɛ̀ lɛ kuloni bu ga gè ná savala tokoi laa ʋũi. Towaa bataize ɣɛ ga wiɛ ga Gala baa ŋinɛgi ta ŋabu.

Ka dɔ kɛ mu a tii nii ɣɛ solowogɛi nui ma pulu ɣaa ʋegɛi faa yowũ va. A mɛ lɛ vɛɛ ga boga ɣigi zu wɔ ɣɛ ɣɛɛzu tea, ‘Eeƃɔlɔhɛ̃ɛ ɣa ga gé mama gwɔlɔ.’ Gè bo wiɛ, Gala ka zoo é kwɔtii niitiɛ ziɣi é te ɣɛ ga Eeƃɔlɔhɛ̃ɛ dea.

Nii zu ƃalaa zooʋai ɣa sa guluitiɛ te maŋasai va yíɛ teve. Na ma gului nɛpɛ ɛ́ lɛ vaa ga gulu‐vaa vagɔ ta teve te pili ŋabui ɣa.”

È ɣɛ velei ponɛi la kɔlɔi nii zu é ga Gala daa woo‐wo nui Aizeea laa woi, “Nu ta ɣa lobasu kpooʋei zu yíɛ bo ga, A de maliɣii na pelei ɣavele ƃɛtɛ. A ná pelei lete to. Gizi zɔɔzuvɛtiɛ ɣaazɔ laa ɣa ʋe, na ɣa ɣɛɛ na gizi kpaaza kpɔga gizi pɛlɛ‐vɛlɛga ɣaazɔ te maa yii. Vɛtiɛ ná zu zei‐seigɛi nátiɛ zu ɣa zakpa, pelei niitiɛ te maa ɣa ɣɛ ɣalaza‐ɣalaza nàtiɛ maa ɣa ɣɛ tɛlɛɣɛ. Na ɣa ɣɛɛ na nu ƃuse ɣaazɔ ɣa wɛlɛ Gala na balolai va.”