Versets bíblics populars de JĨI 1

Comparteix

Nà numaa, ani kɔ̃ɔ‐kɔ̃ɔ sii laali‐taaliga ta wo na ga wiɛ, a te ziɣi nɔ ga kuu‐zu‐nɛɛ ƃakpa. Ƃɔvɛlaale wa yee‐la‐mai zu‐wɔ̃ɔgai ɣa a va ga wo lo fai kpãa.

Ani kele‐ɣele ka vala na wo ta nɛpɛ ma, pagɛ manui Gala gaa‐zaɣa kɛ ma. Towaa fe zéea. Towaa yá ŋɛni ʋe nu pɛ zeea ga gaazu‐wodo vele. Zii‐ɣaa‐wãla ʋaa lɛ ɣɛɛ ba nu ya.

Wõìla veaitiɛ, a nii wɛ̃ɛ. Kɛni nu pɛ ka ɣɛ ga nui nii ná faa‐mɛnisu ʋileai, kpɔɛzu ƃai, zii‐ɣaa‐wãlazu ƃai.

Na ɣa ɣɛɛ na, a ƃe ba to‐kpãagi zu‐lɔnɔ ɣɛ ba ga daa‐ʋega, kɛɛ ʋaa ma maa‐wulo‐zu mɛ lɛ ɣɛ wo maʋaa va, ŋada ta nɛpɛ ge mɛ lɛ yɛ wo ʋaa va, wo maʋaa ɣaa wooligɛi fai pɛ su.

A ɣɛ ga Gala goi zu‐ʋaa‐ɣɛɛ vea wo mɛ lɛ nɔ ɣɛ ga mɛni bea a wɔ ɣɛ ƃɔɔ ɣaa wɔlɔsu.

Tuuyiɛ ɣa nui nii ma yá yii la su‐wɔ̃ɔ ga. Toku ge zei ga yá ziɛ na su‐wɔ̃ɔgi wu, towaa ƃaa‐la‐ma wɔɔlɔgi nii maa zɔlɔ wo é ga zɛʋui Gala ge numaitiɛ ɣi toga la. Na ɣa ga numai niitiɛ te wõiyai ga Gala.

Faa‐nɛɛ‐ɣɛi nɛpɛ pagɛi ta faa‐nɛɛ nɛpɛ maa‐wulo‐zu lɛ ba te wulovɛ ga de wũ maazu vele. Kulovɛ ŋada wodoai maɣeeai ya é yii. Na ɣa ga nui nii maa lɛ ʋeliga kpidi zei‐zu ɔ́ ɣɛ maʋaa va.

Ƃɔvɛlaale nui nii yá Gala goi mɛni nɔ tɔwɔ ɛ́ lɛ su ʋaa ɣɛɛ, máʋai wulovɛ ga nui nii yá wɛlɛ pɛtɛ su va é ɣaazuvɛ maa ƃɛɛ ná yɛga ba é wulo la ŋetea. Yá ɣaazuvɛ maa ƃɛɛ na ŋɛ na é ziɣi na é li gaazuvɛ‐ƃɛtɛ velei yeema bɛ́ ga maa ʋilea.

Gala zeke‐kɛi nii maa wuai maa ziɣia de ɣeea Gala gaazu tɔ ga nii. Tɔ ga nu li po duitiɛ vɛ ta po ŋazai niitiɛ zini gɛ lɛ te vɛ ani ta vili na faa ƃoei zu. Na ɣa ɣɛɛ na manui mɛ lɛ ƃe ba ŋeteai nii zu ʋai ɔ́ pɔtɔ.

Tɛ‐ga ɣa wo na ga nu ta nɛpɛ, maa lɛ nɛɛni manui ɔ́ ɣɛ tea, “Gala ka é tɛ̀ɛ gá.” Ƃɔvɛlaale faa yowũ‐ɣɛɛ lɛ‐ga lɛ zooga ɔ́ wo ga Gala. Na ɣa ɣɛɛ na tɔ ɣagi ɛ́ lɛ nu ta nɛpɛ tɛɛ gá. Kɛ̀ tɛ‐ga ɣa wo ga nu ɣile‐giledai kígi zu vele ani faa ta ɣa va na manui ɣaazu. na ɣa ɣɛɛ na tɔ ɣagi wõi‐ɣɛ‐ma ʋai maa nɛɛ gáazu.

Maa nɛɛvɛ a de wɔi nii toai bu é yoka teve ná bɔɔlɔlai mazaƃu ma