Versets bíblics populars de ƐFƐSƆITIƐ 6

Comparteix

Ƃɔvɛlaale a dɛ lɛ wɔɔzu nu ƃuse wɔ, kɛ̀ a da wɔɔzu niitiɛ wɔ gaa‐ƃaa te ya numaa maazu diɛ wɔ gaa‐ƃaa vea wɔ diɛ wɔ wɔnɔ maazu‐ʋaa‐wo‐bo bea ƃaazagitiɛ wɔ te zaa ƃidii ʋaa ma. Natiɛ ta ga tuo‐vele‐yowũ‐wulo ɣaa‐ƃai niitiɛ te gee wɔlɔgi zu te levegɛi nu ƃuse na gaa‐ƃai va.

A wiɛ Gala feli ga siɛ nɛpɛ baa ŋinɛgi zaala zu wiɛ feli ga Gala‐feli vele mazii ɣaazɔ wiɛ wɔnɔ kɛ ga pee‐ʋee vele. A ɣɛ ɣi su wo ɣata maʋaa va wiɛ feli ná dɔ numaitiɛ ɣaazɔ ʋaa ma.

A Gala na kɔɔ‐wɔɔ zɔɔlai ɣaazɔ lɛ ma, kɛɛ ʋaa ma dɛvele na gbana luoi mɛ lɛ zoo wo la.

Na ma a Gala na kɔɔ‐wɔɔ zɔɔlai ɣaazɔ lɛ ma, kɛɛ ʋaa ma wo zoo wo lo kpãa faa yowũ‐ɣɛɛ ziɛgi zu. Wa na pɛ kulo na ba, wo yɛ loni ga lo pele.

Nii pɛ ka wulo na ba, a zee‐la‐ma ziɣi ga kɔɔ‐wɔɔ zɔɔlai nii yá ƃaa nu maazu ga kolu ŋɛni mɛ lɛ lɔ ba wo kɛ ga ŋɛnii nii wa zoo wo tuo‐vele‐yowũ nui na mẽa ƃoei ɣaazɔ ɣaa yii la. Na ɣa ɣɛɛ na wo balolai mawɔɔlɔgi ziɣi wo Gala baa ŋinɛgi na boa zɔkpɔi ziɣi, na ɣa ga Gala goi.

A lo kpãa. Wa nii ɣɛ ga wo wulu‐ɣili vele ga gaamai. Kɔɔ‐wɔɔ zɔɔlai nii é ga tele‐bo tuoi, a na ɣili wɔnɔ ɣeke su wo zii‐laa woo vagɔi ɣɛ ga wa wɔwaa wɔlɔ é kɛ wo lo kpãa.

Maɣaa‐ƃelagi ɣa ga wo zu ƃaa. Wa na ɣɛ wo ɣɛɛ vele ma su ɣilekpu wa de maliɣiini, wiɛ kɛ wɔnɔ ná gaa‐ƃaa ɣee ɣaa‐ƃaa‐ƃaagi yee wu.

“Wũfe è ɣeea ma ta è lee.” Tɔgi nii ɣa é ga tɔ maa wũ Gala na tɔ puugɔitiɛ zaama ki‐to pɛi ba. Ki‐togi mawoi ɣa ga “Nii ɣɛ kɛɛ ʋaa ma ŋetea nɛɛ yìɛ è lebi zui ɣa.”

Lopaitiɛ, a wo ɣaa veaitiɛ woo mɛni de maliɣii mavele ma, ƃɔvɛlaale na ɣa pele ma.