Versets bíblics populars de ƐFƐSƆITIƐ 4

Comparteix

A ɣɛ ga tuola‐nɛɛ vea ɣiini faa ma wiɛ ɣiini sɛ‐sɛ bo wiɛ ɣiini su ʋaa yɛ è ɣɛ velei Gala ge wo zu ʋaa yɛni la Kolai zaala zu.

Wa kɛ ga kolo‐wuloa ta sɛ‐sɛ‐bo tuo‐woga. A kɛ ga zii‐lɔɔ wiɛ yii lɔ ɣiini kɛɛ‐zɔ ga wõilai zu.

A mɛ lɛ ƃe ba faa yowũ ta nɛpɛ gɔ wulo wo la wɔ bo. Kɛ̀ nii yá nu yii la solowogɛi fai nii zu wa ɣɛ ma, a wiɛ na wo nɔ, kɛɛ ʋaa ma é ɣɛ ga kpɔ‐ba numai niitiɛ ʋaa ma ta mɛni.

Faa‐wãla‐ma ʋaa, zii‐ɣaa‐wãla wala, mawolo, doba‐yãka‐woga é vɛɛ daa‐woo‐yowũ‐woga va, a na ɣaazɔ loo ya é vɛɛ kuu‐zu‐ƃɔlɔ ʋaa ɣaazɔ va.

A zii‐ɣaa‐wãla wo, kɛ̀ a mɛ lɛ faa yowũ ɣɛ. A mɛ lɛ ƃe ba zii‐ɣaa‐wãla ɔ́ yɛ wo wɔlɔ ga ɔ́ yɛ su folo ɣai ɔ́ too. A mɛ lɛ pele ta nɛpɛ fe dɛvele ya.

A wo luo vele wɔlɔ‐zaɣagi loo ya. Na ɣa wa ŋetea wɔlɔ‐zaɣagi ʋaa ma. Tɔ ga nu zu‐ƃɔnɔ‐wo faa kuu‐zu‐yii yá nu ɣaa wɔlɔ mavele ma. A ɣɛ wɔnɔ ga nu niinɛa ki‐gaa‐ziɛi nii mavele ma é wo ɣigi zu, wo tuo niinɛi nii ziɣi kpɛtɛi Gala tuoi ʋaa ma ga é ɣɛ ga tele‐bo tuo ƃɔɔƃɔɔ ta tuoi maa wuai.

Wo ɣɛi Gala baa ŋinɛgi boga su ɣilekpu a wiɛ ɣaa ƃaa ga wo yee ɣata na va. Wa nii ɣɛ ga zii‐laa luo‐woga ga ɣiini.

Tɔwɔ Kolai na faa‐nɛitiɛ zu‐wulo‐zu ɣa ga nui taniga te ɣɛ ga keela, taniga te ɣɛ ga daa woo‐wo bea, taniga te ɣɛ ga woo vagɔi‐wo bea, taniga te ɣɛ wɔnɔ ga pasitaa ta kala‐mɔa. Niitiɛ ɣɛɛvɛ kɛɛ ʋaa ma taitiɛ te wuloai su ga tee ga Gala na dɔa é te ɣavele ƃɛtɛ tii ʋaa ma ta ɣɛ kɛɛzu bɛ́, dai de ga Kolai lɔtɔi de maʋai lii ʋaa ma ga zee luo vele é yɛsu é zolowo su de ya ga a de ɣɛ su ɣilekpu zee‐la‐mai zu a de ɣi daa wodo Gala dui maʋai zu. Na ɣa ɣɛɛ na a de ɣɛ ga numaitiɛ te wɔɔlɔɔ ga daa ʋega ta ŋeteai zu ga te ɣɛ ga Kolai ɣavele.

De mɛ lɛ wɔlɔ‐wɔlɔ ɣɛ sa ga lopaa ɣavele, kala‐bo fai mazii ɣaazɔ ɔ́ ɣɛ de laa‐zu lamasu nu ƃuse na gbana luoi zaala zu tɔ ɣɛ kɛɛzu ga de ɣaa‐wɔlɔ pele. Kɛ̀ to mu a diɛ gaamai wo wõilai zu. Kɛni a da ɣɛ liizu ga yee luo vele pelei ɣaazɔ zu yá de ɣɛ su ɣilekpu a da de mawũgi, na ɣa ga Kolai.