Kɛ̀ Pite ɣɛ tea, “Ananaiya, aƃɛi é kɛɛ Seeta é è yii laa ʋega yìɛ zɛɛ ʋaa wo Gala baa ŋinɛgi ma yìɛ zui mazɔ̃wɔi ta yɛ yee wulu? ?Tei dɛ sɔ̃wɔ lɛ ŋɛni wuloni, ɛ́ lɛ ŋɛni ga è wo? ?Tei ƃalaa wɔnɔ sɔ̃wɔ wuloni, è leʋe lɛ ŋɛni mazɔ̃wɔi zu? ?È leveni ɣɛ le mu yìɛ ɣi gaa ziɛ fai nii mazii ma? Nu ƃuse lei ɔ̀ zɛɛ ʋaa wo ma, kɛ̀ Gala be.” Tei Ananaiya woi niitiɛ mɛnini, é looni é za. Duo ƃakpa vili sa nui niitiɛ nɛpɛ kɔlɔ ga te faa mɛnini é vile ba.