Versets bíblics populars de TE ƔƐƐ VAITIƐ 2

Comparteix

Pite ɣɛ te ma, “A wulu ɣaa ʋe wa ʋaa yowũi va wo ɣile‐giledai wo bataize maa zɔlɔ wo Ziizɛ Kolai na daa‐zeigi zu wa ʋaa yowũitiɛ zu‐ʋaa‐yɛ faa ma. Na ɣa ɣɛɛ na wa faa‐nɛɛ zɔlɔ wo, na ɣa ga Gala baa ŋinɛgi.

Numai niitiɛ te wũ kpadoni Ziizɛ na keelaitiɛ ta ɣala‐bogi va ta siɛ‐pului é vɛɛ kpoolo‐ʋɔɔ zu‐ɣaleai va ta Gala‐feliai.

Na ɣa ɣɛɛ na Gala baa ŋinɛgi é te pɛ te yii laa ʋeni te vɛɛ sa zii woo ƃalaaga woga va è ɣɛ velei Gala baa ŋinɛgi tɛɛni la te la.

Na ɣɛɛzu ƃɔɔ nɔ gee wɔlɔgi zu li ge lɛ ɔ̀ ka nɔ è ɣɛ fãga ƃakpa ɣa é vaazu. Pɛlɛi nii te ɣɛni zeini bu fãgai ligi é na ziɣini ma yɛ̃gɛlɛ̃i. Ŋɛni ta wulo sa te ɣaazu ɔ̀ ka ga ŋabu‐zo gaa wɛi su kpɛ‐kpɛ é zei te ɣile‐giledai wũmɔ. Na ɣa ɣɛɛ na Gala baa ŋinɛgi é te pɛ te yii laa ʋeni te vɛɛ sa zii woo ƃalaaga woga va è ɣɛ velei Gala baa ŋinɛgi tɛɛni la te la.

Folo ɣile‐giledai tɔ ƃɔ su te li Gala‐feli wɔta walai wu, te ƃɔ su te kpoolo‐ʋɔi zu ɣale‐ɣale ta vɛlɛitiɛ wu, te ƃɔ su te laa mi ga kuu‐zu‐nɛɛ ta gaazu‐wodo, tiɛ Gala daa maa lɛ te maʋai nu pɛ zii lai bɛ́. Niitiɛ te ɣɛni wulozu faa yowũ zu, de maliɣii ɣɛni te vɛɛzu Ziizɛ wulu veaitiɛ va folo ɣile‐giledai yee wu.

‘Gala ge ɣɛ tea, gaa‐ƃela‐suvɛ nii ɣa yá ɣɛ: Gà bàa ŋinɛgi maʋaa laa loo ga nu ƃuse ɣaazɔ. Na ɣa ɣɛɛ na wo lea zinaa ta wo lea ŋazaa ta dàa woo wo. Ŋada ɣa wu wo mazolopoitiɛ ɣaazu, na ɣa ɣɛɛ na wo maɣawɔlɔitiɛ ta ze.

Niitiɛ nɛpɛgi te Ziizɛ ʋaa ziɣini ga gaama te ɣɛni ɣii ma, ŋɛnii ƃɔgɔpɛ ge te ya su ɣilekpu. Te weligi maƃaaza pɛ maƃulu‐kpulu pɛ sɔ̃wɔ wuloni te te mazɔ̃wɔi ɣaa wɛɛ niitiɛ nɛpɛ bɛ te balai ɣɛ.

Na ɣa ɣɛɛ na nii yá ɣɛ tɔ ga nui nɛpɛ yá nà daa‐zeigi lili, nài gè ga wo maliɣii, towaa wulo faa zu.’

Foloi maa ɣa wote ga kpidi, ɣalogi maa wote ga ŋama, nài gè ga wo maliɣii nà kui ɔ́ vɛɛ ziitizu, nii é ga faa maa‐wodo ʋolo ɣaa wuai.