Versets bíblics populars de 2 TƐSƐLONAIKAITIƐ 2

Comparteix

A mɛ lɛ ƃe ba nu ta ɔ́ wo ɣaa wɔlɔ ga pele ta nɛpɛ. Ƃɔvɛlaale foloi na lɛ ziitia é yɛsu Gala to‐da veaitiɛ ta dɛi wulo ba ɣaʋu pa. Na ɣa ɣɛɛ na nui nii é ga tɔ‐maazu‐vɛtɛ tala nui nà maʋai wulo kɛnɛ ma. Na ɣa ga nui nii su vaazu ƃɔnɔ wosu.

Kɛ̀ tɔ ga gé vaa ʋaa, nà numaa, ga gé Gala mama wo maʋaa ma ga ɣee nɛpɛ, wai wo wõiyai de maliɣii vɛ, Ƃɔvɛlaale Gala ge yee ƃadoni wo va ga wo ɣɛ ga nu maa wũ wo valo. Towaa ɣɛ fai niitiɛ zaala zu: Natiɛ ta ga wo wuloi Gala baa ŋinɛgi boga su ga Gala na dɔa ta wo lai wo boga ga gaamai.

Tɔ ga nui é ƃɔɔ wɔɔlɔzu yíɛ lo ŋɛni mazii ta nɛpɛ da ta tili ga gala ɔɔ nii ta feli. Tɔ nii ɣɛɛzu ga é Gala po‐ga ziɣi Gala‐feli wɔta walai wu yíɛ bo ga tɔ ɣagi ɣa é ga Gala.

De ɣeea Gala é de wõini. É kɛɛni gaa‐nɛkpɛ gíɛ wo ga diɛ wɔlɔ‐wɔlɔ ta wɔlɔ‐wɔlɔ é ki‐to pagɔ wo wɔnɔ ga diɛ maa‐wõi‐ɣaa ƃɔ‐bai zaala zu. De maliɣii Ziizɛ Kolai tɔ ɣagi ƃɔga de ɣeea Gala nii ta wo yii ɣaa nɛkpɛ fãa ga wo tii vagɔ mazii ɣaazɔ ɣɛ wiɛ woo vagɔ wo.

Na ma Gala ka gaa‐wɔlɔ gaa‐ƃaa laa ziitizu te ma nii kee ɣaa ƃai, gaa‐ƃai na kɛ fai lɛ ga gaama tiɛ na ziɣi ga gaama

Tɔ‐maazu‐vɛtɛ tala nui nii vaa ʋai ɣa ga Seeta na tii. Gaa‐ƃaa ɣaazɔ ɣa ɣɛ zéea maʋaa wuloai è ɣɛ yá ɣɛ faa taniga ɣɛɛzu yíɛ dɛ ga seelea yíɛ faa maa‐wɔlɔ‐wɔlɔga ɣɛ. Tuƃo‐vele‐yowũ‐wulo ɣaa‐wɔlɔ‐bo faa ɣaazɔ ɣa ɣɛ zéea numai niitiɛ ʋaa ma te zu vaazu ŋala‐ŋalasu, toku ge zei ga tɛ lɛ kɛɛni tɔ wõi ga gaamai ga te valo.

Tɔ‐maazu‐vɛtɛ tala ʋai nii doowugɛi yɛga malii ɣa sa ɣɛɛzu. Nui nii é ƃesaga maʋai luo towaa yɛ kɛɛzu ŋɛ na é yɛsu é ziɣi pelei zu.