Versets bíblics populars de Joroma 6

Comparteix

Pien egelit me dub en to; do giamia ka Rubanga me nono en kuo kame bedo nakanaka i Kirisito Yesu Rwot wa.

Pien dub miero kur bed kede loc i wi wu, bala kame nan likame itienu kede i twer me Iswil, do itienu i twer me kisa ka Rubanga.

Pi mano, di bin kobatiso wa, koyiko wa karacel kede Kirisito i to, tetekeny bala kame Papa oyaruno en kede kikom jo oto pi twer me deyo mere, wek wada obedunu kede kuo anyen.

Kur imiunu adul moro me komu i dub, pi bedo gi me timo raco, do jalerenu but Rubanga bala jo kame kokwanyo ki to di oko kelo gi i kuo, doko da miunu adulion dedede me komu but Rubanga pi bedo gi me timo gikame opoore.

Wan ongeunu be, bin koguro kuo wa acon i kom musalaba karacel kede Kirisito, tetekeny kuo me dub jiki, di okounu jiko bedo ipasoi me dub.

Aso wuda miero iterunu be, itiekunu do to ki dub, nan do i kuounu pir Rubanga i Kirisito Yesu.

Nan do owac benyo? Mam omeedenu kede dub tetekeny kisa ka Rubanga meede nyai ne wa? Likame kamano. Wan jo kame otiekunu to ki dub okarununu bobo meede bedo kede dub i kuo wa benyo benyo?

Mam ingeunu be ka ijalerenu but ngatamoro bala ipasoi kame mie wor, idokunu da ipasoi me ngat kame imiunu wor nono, cengemogo ipasoi me dub, gikame tero wu i to, arabo ipasoi me bedo kede wor, gikame mio wu idokunu jo kopoore.

Do opwounu Rubanga, pien wun jo kame oudo bin itienu ipasoi me dub, itiekunu doko jo kame lubo kede cunyu dedede gi dedede kame tie i pwony kame bin komio wu. Bala kame kotieko gonyo wu kede ki dub, nan itiekunu do doko ipasoi me ekite kopoore.