Versets bíblics populars de Ageini 50

Comparteix

Akadi bed bala wun bin ipelakinunu timo nango raco, do Rubanga oko loke pi kelo bero, tetekeny egwok kuo me jo atot, bala kame nataman etie timo.

Do Yosepu oko waco negi be, “Kur ibedunu kede lworo! Iparunu be ango abedo Rubanga?

Pi mano, kur ibedunu kede lworo moro; ango kikoma abino gwoko wu karacel kede idwe wu.” Iepone noni en bin eko kweno cuny gi, di eyamo kede mwolo but gi.

‘Wacenu Yosepu kaman: ango angangao in, sasiro imiegu ni ki gikarac gin kede ki dub kame gin bin kitimo nin.’ Pi mano, nan do wan okwai isasiro wa ki gikarac kame wan jotic ka Rubanga ka papa ni bin otimo ni.” Yosepu oko kok kakame bin en ewinyo kede kop kame gin kiwaco ne.

En bin eko waco ne imiegu mege be, “Ango ayapuno to, do Rubanga ateteni bino bino butu di eko kwanyo wu tenge ki lobo noni, eko tero wu i lobo kame en bin ekwongere pi mino Aburaam, Isaka kede Yakobo.”

Di do Yosepu oko mino awobe ka Yakobo okwongere di ewaco negi be, “Kame Rubanga obino butu, wun ibinunu yeno cogere na iterunu.”

Yosepu bin oko to i Misiri di oudo etie kede mwakini tol acel kede tomon (110); oko mino kome otuo di oko wire kede mo angwe kur di oko kete i sanduku.