Versets bíblics populars de Abaleevi 26

Comparteix

Ndyagyendera omuriimwe, mbe Ruhanga waanyu, naimwe mube abantu bangye.

ndyaguma mbagwisize enjura omu bunaku bwayo, ensi egire omweru n'emiti y'omu misiri eyane ebyana.

Ku muriguma nimukuratira ebi naataireho, mwahurira ebiragiro byangye, mwabyorobera

Kandi ndyareeta obusingye omu nsi; muryabyama, kandi tihaine oribatiinisa. Ndyamara enyamaishwa mbi omu nsi, na rurara teriraba mu nsi yaanyu yoona.

Ndyabataho omutima, mbahe okuzaara munonga, mbakanyise, mpamye endagaano yangye naimwe.

Niinye MUKAMA Ruhanga waanyu owaabaihire omu nsi ya Misri, ngu murekye kuba abahuuku baabo; naabaihaho emigamba eyaabaire yaabainikire, naabagyendesa bwemi.

Ndyata obutaaho bwangye ahagati yaanyu; omutima gwangye tiguribatamwa.

Mutaryekorera ebishushani ebirikuramibwa, n'obu kwakuba okwemereza ebishushani ebibaizire, nari enyomyo; kandi mutaryemereza eibaare eribaizirwemu ekishushani omu nsi yaanyu okuriinamira; ahabw'okuba niinye MUKAMA Ruhanga waanyu.

Muryarya eby'okurya ebitwire omu bitara, muhununure ebikuru, muhunikye ebisya.

Bataano omuriimwe baryabinga igana, na igana omuriimwe baryabinga kakumi; abazigu baanyu baryaitwa zaarurara.

Eihuura ryanyu riryahitsya omu ishaaruura ry'emizaabibu, n'eishaaruura rihitsye omu ibiba; muryarya eby'okurya byanyu, muhaagye, mutuure omu nsi yaanyu buhooro.

Muryabinga abazigu baanyu, zaarurara zibagwise omu maisho gaanyu.

Muryaguma murinde sabato zangye, muhe ekitiinisa Omwanya gwangye ogurikwera. Niinye MUKAMA.