Versets bíblics populars de Okutandika 21

Comparteix

MUKAMA yaataayaayira Saara nk'oku yaagambire, kandi MUKAMA yaakorera Saara nk'oku yaaraganiise.

Ruhanga yaahurira eiraka ry'ogwo mwana; maraika wa Ruhanga yaayema omu iguru, yaayeta Hagari, yaamugira ati: Waaba ota, Hagari? Otatiina, ahabw'okuba Ruhanga yaahurira eiraka ry'omwojo ah' ari. Imuka, oimutsye omwana, omweyegamize aha mukono; ahakuba ndyamuhindura eihanga rihango.

Saara yaagira enda, yaazaarira Abrahamu omwana w'omwojo yaakuzire, omu bunaku obu Ruhanga yaamugambiire.

Saara yaagira ati: Ruhanga anshekize; n'oraakihurire weena naija kusheka.

Ruhanga yaagambira Abrahamu ati: Otaguubwa kubi ahabw'omwana n'ahabw'omuzaanakazi waawe. Kyona eki Saara araakugambire, omworobere; ahabw'okuba baijukuru baawe baryayetererwa Isaaka.

Kandi omwana w'omuzaana nawe ndyamuhindura eihanga, ahabw'okuba n'omwana waawe.