Versets bíblics populars de Mathayu 21

Comparteix

Nginu nanga mina yoepathaman kedha, ngidh gasaman. Wa, mizapa nanga ngidh yoewdhepa nanga, nginu thaythupoegaynu, ngidh nan ngaru gasaman.’

Yesu kuniya mulaydhin thanamulpa, ‘Kedha yakanurayg, ngithamun mina yoepathaman mura balbayginga nanga, ngithamulpa zagethoeginga kedha ngidh koey pad mura adhathayan malupa. Wa nan ngulayg kedha ayman nginu yangukudu ya ngidh nanga. Ngoena ngoelkay yapathamayginga.

Koeygarsar mabaygal nubiya, paruya a koeygarsar nubiya kaliya, kedha wal tidumar kuykayman, ‘Ngoey ngin koeyma thawmanin, ngi mina Dhawithan Kazi, Awgadhaw woenab ngibiya kalmel, nuydh ngin ngapa wayan, nungu kupayl zagethoepa! Ngoey Awgadh koeyma thawmanin!’

Nuy thanamulpa kedha mulay-dhin, ‘Awgadhaw yangukudu minar paladhin kedha, “Ina ngaw lag, kedha tharan, Thaythupoegay Lag, kasa kay kedha ngitha wati mabaygal nan puru mabaygaw lag ayman ina.” ’

‘Yoerusalema, Zayonaw padaw koey goegath, ngitha karngemiw, sepa nagemiw ngithamun Adhapudhay Kuykulnga in mangiz ngithamuniya, nuy koey gabu ngoenakapul mabayg. Nuy koewbupa ngapa lawnga. Nuy kasa moegina donkinu ngapa, kazi donkinu.’

Nuy Yesu lak mulaydhin thanamulpa, ‘Ngitha ngaru ngulaygal Maygi Thusingu nabi Minar Poelayzinga, adhamintiday ya kedha, “Lagaw moeydhayzi mabaygal nanga Thana mina kula adhathayan, wati kulapa thaman. Kasa kay kedha na mina kula, nan ngulayg lagaw konanu kabuthan puridhiripa. Ina zageth ngalpan kuykulmay aymayzinga. Ngalpan imaypa mina adhapudhay.” ’

Yesu lak mulaydhin thanamulpa, ‘Wa, ngay ngithamulpa kedha, Awgadhaw Basalaya bangal ngithamulngu kusumoene a wara buwaypa bangal manine, setha ngaya nanga thanamun igililnga mina koewsalnga.’