Versets bíblics populars de ရောမဩဝါဒစာ 11

Comparteix

အကြောင်းမူကား အရာ​ခပ်သိမ်း​တို့​သည် ကိုယ်တော်​ထံမှ​လည်းကောင်း၊ ကိုယ်တော်​အားဖြင့်​လည်းကောင်း၊ ကိုယ်တော်​အတွက်​လည်းကောင်း ဖြစ်တည်​ကြ​၏။ ကိုယ်တော်ရှင်​၌ ကာလ​အစဉ်အဆက် ဘုန်း​အသရေ​တော်​တည်ရှိ​ပါစေသော။ အာမင်။

ဘုရားသခင်​၏​အသိပညာ​နှင့်​ဉာဏ်ပညာ​တော်​တို့​၏​ကြွယ်ဝ​မှု​သည် နက်နဲ​လှ​ပါတကား။ စီရင်​တော်မူ​ချက်​တို့​ကို စူးစမ်း​လေ့လာ​၍​မ​ကုန်​နိုင်။ လမ်း​တော်​တို့​ကို​လည်း ချင့်မျှော်​တွေးဆ​၍​မ​ရ​နိုင်။

“မည်သူ​သည် ထာဝရ​ဘုရား​၏​စိတ်​တော်​ကို​သိ​သနည်း။ မည်သူ​သည် ကိုယ်တော်​၏​အတိုင်ပင်ခံ​ဖြစ်​ဖူး​သနည်း။

ထိုနည်းတူ ယခု​အချိန်အခါ​၌​လည်း ကျေးဇူး​တော်​အားဖြင့် ရွေးကောက်​ခံရ​သည့်​ကြွင်းကျန်​သော​သူ​ရှိ​သေး​၏။ သို့သော် ကျေးဇူး​တော်​အားဖြင့်​ဖြစ်​လျှင် အကျင့်​အားဖြင့်​မ​ဟုတ်​တော့​ပေ။ သို့မဟုတ်​လျှင် ကျေးဇူး​တော်​သည် ကျေးဇူး​တော်​ဖြစ်​တော့မည်​မ​ဟုတ်။

သို့သော် အကိုင်းအခက်​အချို့​တို့​သည် ခုတ်ဖြတ်​ခြင်း​ခံရ​၍ သံလွင်​ပင်​အရိုင်း​ဖြစ်​သော​သင်​သည် ထို​အကိုင်းအခက်​များ​ကြား​၌ ကိုင်းဆက်ကူး​ခံရ​ပြီး သံလွင်​ပင်​အမြစ်​မှ​အဆီအနှစ်​ကို မျှဝေ​ခံစား​သူ​ဖြစ်လာ​လျှင် ထို​အကိုင်းအခက်​များ​အပေါ် ဝါကြွား​သော​စိတ်​မ​ရှိ​နှင့်။ ဝါကြွား​လျှင်​လည်း သင်​သည် အမြစ်​ကို​ထောက်မ​သည်​မ​ဟုတ်။ အမြစ်​က​သာ သင့်​ကို​ထောက်မ​၏။