Versets bíblics populars de Roomankoo'en 1

Comparteix

Mi nanataa cemtuɗum wa'ajingo *Habaru Belɗum, gam ɗum baawɗe Allah baaweyɗe hisnugo koo moye goonɗinɗo mo, aran Yahuudu'en, ɓaawo ɗoon *yimɓe ɓe laataaki Yahuudu'en.

Habaru Belɗum ɗuum e holla aadilaaku Allah keɓeteeɗum gada e goonɗingo Yeesu tan. Kama ko vinndaa nder *Deftere : « Aadaliijo no foofrey e goonɗinki. »

Gam gada tageeki duuniyaaru, ko yi'ataake e Allah, waato baawɗe ma'ako ɗe nde'ataa e allaaku ma'ako, e ɗum fahamee nder ko o tagi. Gam ma'ajum yimɓe ngalaa hujja sam.

Koo nde eɓe anndi Allah, ɓe teddinaay mo, ɓe ngettaay mo, noon no haani Allah waɗanee, ammaa nyumooji maɓɓe majjii, fahamu vurtii ɓerɗe maɓɓe, niɓre natti.

Ɓe mbattindirii goonga Allah e fewre, ɓe cujjidanii ko tagaa, ɓe njagganii ɗum mbattudi Allah tagoowo, kaanɗo maalteego faa abadaa ! Aamiin.

Allah e holla huunƴere muuɗum gada asama, dow yimɓe ɓe kulataa mo e dow kuuɗe maɓɓe kalluɗe ɗe ɓe nyo'irta goonga.

Gam ma'ajum Allah yoofi ɓe ɓe tokka suunooji maɓɓe cemtiniiɗi. Rewɓe maɓɓe kibinii baaldal tawaangal, mbittii e mbaalda hakkunde mu''en. Noon boo worɓe ngoorii waaldugo e rewɓe, suuno waaldugo e worɓe nanngii ɓe. Ɓe mba'adii ko semtinii hakkunde maɓɓe. Noon ɓe pooɗrani ko'e maɓɓe laada majjere maɓɓe. Nde laatii ɓe njaɓaay anndugo Allah, kam waɗi Allah yoofi ɓe ɓe tokka nyumooji maɓɓe leliiɗi, ɓe mbaɗa ko haanaa waɗeego.

Eɓe ɗoon manto, eɓe tammii ɓe ƴoyɓe, ammaa ɓe vemmbuɓe. Ɓe mbattindirii teddungal Allah tabbitɗo e ngal gumkiiji baɗaaɗi nder nanndi neɗɗo maayoowo, e nder nanndi colli e bisaaji e ko dasotoo.