Versets bíblics populars de Salmau 22

Comparteix

Fy Nuw, fy Nuw, pam y’m gadewaist i? Pam cadw draw oddi wrth holl eiriau ’nghri? Rwy’n gweiddi arnat ddydd a nos bob awr, Ond nid atebi fi’n fy mlinder mawr.

Ond fe’th orseddwyd di, y Sanctaidd Un, Yn foliant Israel. Ynot ti dy hun Yr ymddiriedai’n tadau dan eu clwy: Achubwyd ac ni chywilyddiwyd hwy.

Daw’n ôl at Dduw holl gyrrau eitha’r byd, Ymgryma’r holl genhedloedd iddo ynghyd, Cans iddo y perthyn y frenhiniaeth fawr, Ac ef sy’n llywodraethu teulu’r llawr.

Dan rythu arnaf, rhannant yn eu mysg Fy nillad. Bwriant goelbren ar fy ngwisg. Ond ti, O Arglwydd, paid â sefyll draw; O brysia, rho im gymorth nerth dy law.

Sut gall y meirw’i foli yn Sheol? Ond byddaf fi fyw iddo, a’m plant ar f’ôl. Sonnir am Dduw wrth genedlaethau i ddod. Bydd pobl nas ganwyd eto’n traethu’i glod.