Versets bíblics populars de 1 Korin 8

Comparteix

Hako God namtar nom oto Avui Wasilaka ria. Mbele mbele amber ortonom uri lir. Uhu nir nga hi orhin ni hauowehe mashi orhin ni tiyakmbaha or uhunda nir. Wasilaka nihi namtar nom, oto Jisas Krais oria. Avui Wasilaka or mbashirik mbele mbele amber hom or uhunda lir. Lerawu orhi orok nir Avui Wasilakahi mak ni naha ortonom ni hauowenda nir.

Ter emenaku os ma tavak li unda godnjik li ofa undan li anda mashin amu sawekuwa. “Nir amber hishiyarinda nga ni nanda nir,” karem ji mbahanda nimu misinduwa. Hako erem ji mbanda oso men jihinjik hi jihin ji hauowehe ji mbanda sir. Oso mbeek man jelyanda ambu sir. Hako os ma anandin wapnuku jihik ji owenda nahi, mbele mbele ol ji uwa ondo li unak ma ol Jisasin hishindiyanda ondon jelyakwa sir. Hako ma lal karem hishinda lir, “Mbele mbele amber angop ni hishihi ni yarirakonda lir,” karem mbanda lir. Hako, wahau. Men sembe mbaha yanda lir, mbeek li yarirakonda ambu lir. Li hishiyarikwa mbele mbele musha ol nandu.

An ngana. Os akwa lal a anak ajelijisinda ma ondo li heyehe Kraisin li hishindiyanda nombo lihi kavak si nakmba u nahi, akwa ondon a hakri lihi ihi er a hakwa nir.

Hako jir ma ol emenaku ondon akwa ambu, karem mbaha ajelijisinda ondon ji hishika. Las avak jir emenaku ondon ji anak li heyehe Kraisin li hishindiyanda nombo lihi kavak si nanda ngashi.