Versets bíblics populars de Revelation 4

Comparteix

“Moom nganttam! God nganttam! Ngan thaaꞌ-kuumpanan nintang! Ngan puth nintang min paththam ngaantam-ngeeyanan aꞌ thayan paththam, aꞌ puth anpalmana ngan thaaꞌ-kuumpanan nintang. Nint puth maꞌmangkam yumpan. Nint thonamang ngaantam-ngeeyan way min maꞌmangkam yumpanakaniy aꞌ putha maꞌmangkam man-yetham piꞌ-piꞌangana.”

Than yotamaniya punth-paam six thampa, aꞌ putha meeꞌ-ath kemp thanttamangan pal-puy piꞌin, kenyangk aꞌ puth punth-paam pek-pekangk thampa. Than ngutang aꞌ kinchangan aak-path-pathin, than keꞌamim eenchin, thanan yimanang keꞌ-ngoongkam anman pathina: “Moom piꞌan ngamparaman Goda, nil thayan aꞌ min paththama. Ngamp thaaꞌ-kuumpāmp nunanga! Nilan puth aak nathpalman wun, puth yimanangan nil man-yetham yippak wunan, aꞌ nilan aak umpuyam wunow.”

Yaam keꞌanaman-a, ngay thonangan ngul pithanga, keꞌ thaaꞌ dooran thaaꞌ paꞌantam yimanang wun aak heavenangana. Aꞌ amanamana ngath weeꞌ-nath thawara aꞌ wik nungantaman keꞌ trumpet yimanangan. Nil pam anmana, kaꞌathamana ngathar thaw. Nil thaw, “Pal iiya, aꞌ ngay nungk meenathāng ngeen ngulan wampow.”