Versets bíblics populars de Proverbo 15

Comparteix

No matanoy a katbay am mapabo so soli, pero no mapasoli a atbay am atongan na o soli.

No anib kano kasinchad do Apo taya am mismo dana ya a kapanghap so kasolivan, ta manam so kaparin mo a makarisibi so onor am kaylangan o kapamahbo mo so karakohan mo.

Mapagsal o matanoy a vahevahey, pero no malotod a chirichirin am manrawarawa.

Hapen mo o atavo a konseho dimo tapian maypapia ka do ichahoho mo, ta do kaboan no konseho am sigorado o kapayrahet mo.

Mayak sa o mian so ichasoyot, pero an mian o ichangsah am machitarek o katitiban da.

Arava o di na voya no Apo taya, mayalit o parinyen a mapia anmana marahet.

Mapipia o kapakasiasi a sominchad do Apo taya as kano kaynakem a mian so kagologoloan.

No kasosolien am sitnanan no kapaysosobna, pero tomoroh so karadinepan o matanoy kano maypasinsia.

No mapia tawo am mapatak a tombay, pero no marahet so pinangtoktoan am malisto a mayliliak a nia so mapasitnan so problema.