Versets bíblics populars de Nengeulaula 9

Comparteix

Ne migkeg̵iyan si Eneniyas te Nengazen te, “Beyai nu su nepilì ku sikandin wey zin ikesangyew is ngazan ku ziyà te menge etew he kenà Hudiyu wey minsan diyà te menge hadì wey ziyà daan te menge zuma nu he kevuwazan ni Israyil.

Ne nepiley sikandin diyà te tanà ne nezineg din is egkag̵i te, “He Seulu, maan is ebpesipelahan a kenikew?” Ne migkag̵i si Seulu te, “Hentei ka?” Ne midtavak te, “Iyan a si Jesus kes ebpesipelahan nu.

Ne zutun migenat si Eneniyas ne midhendutun te valey ne hein nekeseled midepenetan din si Seulu te egkag̵i te, “Sikew Seulu, is suled ku, midsug̵ù a zini te Nengazen he si Jesus he mibpaahà kenikew ziyà te imbayè nu. Impehendini e zin su wey mepuwasi en is ked-ehè nu, wey ka meulini te Wag̵as he Mulin-ulin.” Ne zutundutun henduen be te zuen nelekat diyà te mata ni Seulu ne nepuwasan is ked-ehè din. Ne mid-enew ne mibpebewtismu.