Versets bíblics populars de KO SĒNESI 37

Comparteix

Pea na‘e misi ‘a Siosifa, pea ne tala ki hono ngaahi tokoua: pea na‘e ‘āsili ai ‘enau fehi‘a kiate ia.

Pea na‘e ‘ofa lahi ‘a ‘Isileli kia Siosifa ‘i he‘ene fānau kotoa pē, he ko hono foha ia ka kuo motu‘a: pea na‘a ne ngaohi mo‘ona ha kofu pulepule.

Pea ‘i he vakai ‘e hono ngaahi tokoua ‘oku pele ‘aki ia ‘e he‘enau tamai ‘iate kinautolu, na‘a nau fehi‘a kiate ia, pea na‘e ‘ikai te nau fa‘a lea ‘ofa ange.

Pea na‘a ne toe misi foki ‘o ne fakahā ki hono ngaahi tokoua, ‘o ne pehē, Ko eni kuo u toe misi, pea ko e la‘ā mo e māhina mo e fetu‘u ‘e hongofulu mā taha na‘a nau tulolo kiate au.

Pea meheka kiate ia ‘a hono ngaahi tokoua; ka ka kumuni ‘a e lea ‘e he‘ene tamai.

He na‘a ne pehē kiate kinautolu. ‘E fanongo mai ki he me‘a kuo u misi ki ai: he ko eni, ko kitautolu na‘a tau ha‘i ‘ū koane ‘i he ngoue, pea ‘iloange na‘e malanga hake ‘a e ‘ū koane ‘a‘aku, ‘o ne mātu‘aki tu‘u tonu; pea fakaofo, na‘e hanga ho‘omou ngaahi ‘ū koane, ‘o tu‘u takai, ‘o nau tulolo ki he ‘ū koane ‘a‘aku.

‘Ē, tau tāmate‘i mu‘a, ‘o lī ki ha lepa, pea te tau tala kuo keina ia ‘e ha manu fekai: ka tau vakaia pe ‘e fēfē ‘ene ngaahi misi.

Pea na‘e laka atu ha kau tangata Mitiani, ko e kau fakatau; pea nau fusi hake ‘a Siosifa mei he lepa, pea nau fakatau ia ki he kau ‘Isime‘eli ‘aki ha pa‘anga siliva ‘e uofulu, pea nau ‘ave ‘a Siosifa ki ‘Isipite.

Pea nau fepehē‘aki; Vakai, ko e ‘eiki misi ‘ena ‘oku ha‘u.

Pea ‘i he‘enau sio kiate ia mei he mama‘o, kuo te‘eki ke ne ofi mai, na‘a nau puleaki‘i ke tāmate‘i ia.

Pea lea kiate kinautolu ‘e Lūpeni, ‘Oua ‘e lilingi toto; lī ia ki he lepa na ‘i he toafa, kae ‘oua ‘e ala mālohi kiate ia; koe‘uhi ā, tokua, ka ne fakahaofi ia mei honau nima, ‘o fakafoki ki he‘ene tamai.