Versets bíblics populars de Marukusu 13

Comparteix

Uma n a̱bunda̱i i ta̱ a kuꞋiwan ɗa̱, adama a̱ va̱, amma vuza na baci de dem u gbamai asuvu sai a uteku wi ta̱ a̱ kuciya̱ wishi.

I yongo n ugboji n ufoɓushi kpamu, adama a na i yeve kanna ka ba.

E reme ɗa̱ baci, ɗa a̱ tuka̱i ɗa̱ a̱ ubuta̱ wa afada, ka̱ta̱ a̱ɗu a̱ ɗa̱ a̱ muɗa̱ adama a ili i na i kudansa ba. Danai le ili i na Ka̱shile ka danai ɗa̱ a ayin a nan lo a, adama a na a̱ɗa̱ ɗa yi a kadanshi ka ba, amma Ayinviki a̱ Ka̱shile† a ɗa.

Gaɗi n iɗika yi ta̱ o kukotso, amma kadanshi ka̱ va̱ ki o kukotso ba.

“Amma kanna ka nan lo, ko ayin babu vuza na u yevei, ko alingata a gaɗi, ko Maku ma, sai Esheku a̱ ni endeꞋen.

I gita̱ baci kupana arabali o kuvon n ukuna u kuvon, ka̱ta̱ asuvu a̱ ɗa̱ a̱ muɗa̱ ba, ili i nam pa i kuyaꞋan ta̱ ra̱ka̱ amma ka̱ta̱ uteku u ɗa ba.

Amma a̱ɗa̱ i yongo ufoɓushi, adama a na i yeve ayin a na vuza kpaꞋa va u kubono ba, ko n kulivi ku ɗa, ko n kayin ka gbayin, ko ntoku isali, ko n usana u ɗa. Ka̱ta̱ i ka̱sa̱kpa̱ u bono u cina ɗa̱ alavu ba. Ili i na mi a kudana ɗa̱ na, mi ta̱ a kudana uma dem. Mi ta̱ a kudana ɗa̱, ‘Yongoi ufoɓushi!’ ”

Iɗika yi ta̱ a̱ kushilika̱ n iɗika i yoku. Tsugono kpamu a̱ kushilika̱ n tsugono ci yoku. Iɗika yi ta̱ a̱ kugba̱ɗa̱sa̱ a̱ ubuta̱ kakau. Kambulu ki ta̱ kpamu a kuyaꞋan n a̱bunda̱i. Ili i nam pa dem yi ta̱ tsu kugita̱ ka̱ a̱ga̱nda̱ a limata.

Amma kafu aduniyan o kotso, sai a dana umaci dem Arabali a Singai ra̱ka̱.

Uma n a̱bunda̱i i ta̱ a̱ kuta̱wa̱ wa̱ ɗa̱ n kula ku va̱, ka̱ta̱ a dana ele ɗa Kirisiti Kishi. I ta̱ kpamu a̱ kuya̱nsa̱ uma n a̱bunda̱i.

“Amma ka̱ta̱ i yongo n ugboji, i ta̱ e kureme ɗa̱ a banka a̱ ubuta̱ wa afada, ka̱ta̱ a lapa ɗa̱ a̱ unu a avasa. I ta̱ a kubanka ɗa̱ ubuta̱ wu ngono n anan gomuna adama a̱ va̱, ka̱ta̱ i dana le ukuna u va̱ ɗe.

Adama a na a kuyawa ayin a nan lo Kishi ka aꞋuwa n eneki a aꞋuwa i ta̱ a̱ kuta̱wa̱, ka̱ta̱ a̱ ka̱na̱ kuyaꞋanka ɗa̱ ili i mereve. Adama a na a̱ a̱ ya̱nsa̱ aza na Ka̱shile ka zagbai i baci a kufuɗa.

“Ayin a nan lo, ayin a na atakaci a nan lo a lazai dem, kanna ki ta̱ o okpo ulima̱, wotoi kpamu wo kudoku wa kakana ba. Azangata i ta̱ a̱ kuta̱ gaɗi ka̱ta̱ a̱ yikpa̱, utsura u na kpamu wi a̱ a̱da̱nga̱shile wi ta̱ a̱ kugba̱ɗa̱.