Versets bíblics populars de ရူဝ်းမႃႉ 15

Comparteix

ၼင်ႇ​ႁိုဝ်​တၢင်း​ဢၼ်​သူ​မုင်ႈမွင်း​ၼၼ်ႉ​တၵ်း​ၼမ်​ၵိုၼ်း​မႃး​ယူႇ​ၶိူဝ်းၶိူဝ်း​ၼႂ်း​တၼ်းၶူဝ်း​ဝိၺိၺ်ႇ​မူတ်းၸၢင်ႇ​ၸဝ်ႈ​ၸိုင်၊ႁႂ်ႈ​ၽြႃးပဵၼ်ၸဝ်ႈ​ဢၼ်​ပဵၼ်​ငဝ်ႈႁၢၵ်ႈ​တၢင်း​ဢၼ်​မုင်ႈမွင်း​ၼၼ်ႉ​ထႅင်ႈ​ႁႅင်း​ပၼ်ႁႅင်း​ႁႂ်ႈ​သူ​လႆႈ​ပျေႉၸုမ်ႇ​ဝႆႉ​တင်း​တၢင်း​ဢၼ်​ၸူမ်းသိူဝ်း​ဢိၵ်ႇတင်း​တၢင်းၼိမ်​ၶျၢမ်းသႃႇ​ၵွပ်ႈပိူဝ်ႈ​သူ​ယုမ်ႇမၢတ်ႈ​မၼ်းၸဝ်ႈ​ၼၼ်ႉ​သေၵမ်း​လူၺ်ႈ။

ၵႂၢမ်း​တြႃး​ဢၼ်​တႅမ်ႈ​ဝႆႉ​ၼႂ်း​ၵျၢမ်းလိၵ်ႈ​ၵႃႈမီး​တင်းသဵင်ႈတင်းလူင်​ၼၼ်ႉ​ပဵၼ်​ဢၼ်​တႅမ်ႈ​ဝႆႉ​ႁႂ်ႈလႆႈ​သင်ႇ​သွၼ်​ႁဝ်း၊ၼင်ႇ​ႁိုဝ်​ႁဝ်း​တၵ်း​မီး​တၢင်း​ဢၼ်​မုင်ႈမွင်း​ၵွပ်ႈပိူဝ်ႈ​တၢင်း​ဢၼ်​ယိူၼ်ႉၶၢမ်ႇ​ဢိၵ်ႇတင်း​တၢင်း​ဢၼ်​ၸႂ်​ႁႅင်း​ယႂ်ႇ​ၸွမ်းၼင်ႇ​ၵျၢမ်းလိၵ်ႈ​ဢၼ်​ပၼ်​ဝႆႉ​တီႈ​ႁဝ်း​ၼၼ်ႉ​ဢေႃႈ။

ႁႂ်ႈ​ၽြႃးပဵၼ်ၸဝ်ႈ ၸဝ်ႈ​ဢၼ်​ပၼ်​ၸႂ်​ဢၼ်​ယိူၼ်ႉၶၢမ်ႇ​ဢိၵ်ႇတင်း​တၢင်း​ဢၼ်​ၸႂ်​ႁႅင်း​ယႂ်ႇ​ၼၼ်ႉ​ပွင်ႁဵတ်း​ႁႂ်ႈ​သူ​ၼင်ႇ​ၵၼ်​ၽွမ်ႉၵၼ်​ယိူင်ႈ​ၸွမ်း​ ၸဝ်ႈ​ယေႇသု​ၶရိၸ်ႈ၊ - ၼင်ႇ​ႁိုဝ်​သူ​တင်းသဵင်ႈတင်းလူင်​တၵ်း​ၽွမ်ႉၵၼ်​ဢဝ်​တင်း​သဵင်​လဵဝ်​ယွင်ႈယေႃး​ၽြႃးပဵၼ်ၸဝ်ႈ၊ဢၼ်​ပဵၼ်​ပေႃႈၸဝ်ႈ၊ၸဝ်ႈၽြႃး​ႁဝ်း​ ယေႇသု​ၶရိၸ်ႈ၊ ၼၼ်ႉ​သေၵမ်း​လူၺ်ႈ။

ၼင်ႇ​ႁိုဝ်​ပိူၼ်ႈ​တၵ်း​ယွင်ႈယေႃး​မုၼ်ၽုင်း​ၽြႃးပဵၼ်ၸဝ်ႈ​ၸိုင်၊ႁပ်ႉတုင်း​ဢဝ်​ၵၼ်​ၸိူဝ်ႉ​ၼင်ႇ​ ၸဝ်ႈ​ယေႇသု၊ ႁပ်ႉတုင်း​ဢဝ်​သူ​ၼၼ်ႉ​တႃႉ။

ၼင်ႇ​ၼၼ်​လႄႈ​ႁဝ်း​ၵူႈ​ၵေႃႉ​ထုၵ်ႇလီ​ႁႃ​ဢၵျူဝ်း​ပၼ်​ပီႈၼွင်ႉ​ႁဝ်း​ႁႂ်ႈလႆႈ​တႄႇႁဵတ်း​တၢင်းယုမ်ႇမၢတ်ႈ​ၶဝ်​ႁႂ်ႈ​မၼ်ႈၶိူင်ႇ​ဢေႃႈ။