Versets bíblics populars de တမၢၼ်ႇ 16

Comparteix

ၶဝ်​ၵေႃႈ​လၢတ်ႈ​လႄႈ​ဝႃႈ၊ “ယုမ်ႇမၢတ်ႈ​ ၸဝ်ႈ​ယေႇသု​ၶရိၸ်ႈ၊ တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊မႂ်း​ဢိၵ်ႇတင်း​ၵူၼ်းႁိူၼ်းၵူၼ်းယေး​မႂ်း၊တၵ်း​ႁွတ်ႈထိုင်​တၢင်း​ဢၼ်​ၵႄႇၶျွတ်ႈ​ယဝ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ထိုင်​ၶိင်ႇတဵင်ႈၶိုၼ်း​ၸိုင်၊သြႃႇ​ ပေႃးလု၊ တင်း​ သီႇလႃႉ၊ သူးတွင်း​ႁဵတ်းၵႂၢမ်း​ယွင်ႈယေႃး​ၽြႃးပဵၼ်ၸဝ်ႈ​ယူႇ​လႄႈ​ၵူၼ်းထွင်ႇ​တင်းလၢႆ​ဢွၼ်ၵၼ်​ထွမ်ႇ​ၶဝ်​ယူႇ​ဢေႃႈ။- မိူဝ်ႈ​ၼၼ်ႉ၊ၵိုင်ႉၵၢင်ႉ​ဢိင်ႇသၼ်ႇ​ပဵၼ်​မႃး​ႁႅင်း​ၼႃႇ​လႄႈ​တိၼ်​ထွင်ႇ​ၵေႃႈ​သၼ်ႇၶွၼ်း​ဝႆ​ဢေႃႈ။ ၽၵ်းတူ​ထွင်ႇ​ၵႃႈမီး​ၵေႃႈ​ၽုၺ်ႇ​ပိုတ်ႇ​ၵႂႃႇ​ၵမ်းလဵဝ်​လႄႈ​ၸိူၵ်ႈလဵၵ်း​လုတ်ႈ​တူၵ်း​သေ​ၵႃႈတီႈ​ၵူၼ်းထွင်ႇ​တင်းသဵင်ႈတင်းမူတ်း​ၵႂႃႇ​ဢေႃႈ။

ႁဵတ်း​ၼၼ်​လႄႈ​မၼ်း​ဢဝ်​ၶဝ်​သွင်​ၵေႃႉ​ၼၼ်ႉ၊ဢွၵ်ႇ​မႃး​သေယဝ်ႉ​ထၢမ်​ဝႃႈ၊ “ၸဝ်ႈ​ၶဝ်႟။ ၼင်ႇ​ႁိုဝ်​ၵဝ်ၶႃႈ​တၵ်း​ႁွတ်ႈထိုင်​တၢင်း​ဢၼ်​ၵႄႇၶျွတ်ႈ​ဢဝ်​ၸိုင်၊တၵ်း​လႆႈ​ႁဵတ်း​ၸိူဝ်ႉႁိုဝ်​ၶႃႈ၊” ဝႃႈ​ၼင်ႇ​ၼႆ​ဢေႃႈ။

ထွင်ႇမူး​ၼၼ်ႉ​တိုၼ်ႇ​မႃး​လႄႈ မိူဝ်ႈ​ဢၼ်​ႁၼ်​ၽၵ်းတူ​ထွင်ႇ​ၽုၺ်ႇ​ပိုတ်ႇ​ဝႆႉ​ယူႇ​ၼၼ်ႉ​ၸိုင်၊ထၢင်ႇ​ဝႃႈ၊ၵူၼ်းထွင်ႇ​ၸိူဝ်း​ၼၼ်ႉ​ဢွၵ်ႇ​ပၢႆႈ​ၵႂႃႇ​မူတ်း​ယဝ်ႉ​ဝႃႈၼႆ​လႄႈ​ထွတ်ႇ​လၢပ်ႇ​ဢၢင်ႈ​တၵ်း​တႅင်း​တူဝ်ၸဝ်ႈၵဝ်ႇ​တၢႆ​ဢေႃႈ။- ပေႃးလု၊ ၸင်ႇ​ၵိဝ်သဵင်​ယႂ်ႇ​ၼႃႇ​လႄႈ​ဝႃႈ၊ “ယႃႇပေ​ႁဵတ်း​ဢၼ်​ဢမ်ႇလီ​တီႈ​တူဝ်ၸဝ်ႈၵဝ်ႇ​သေၵမ်း။ ႁဝ်း​တင်းသဵင်ႈတင်းလူင်​မီး​ယူႇ​ၵႃႈတီႈ​ၼႆႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။