Versets bíblics populars de Talfut Kese 6

Comparteix

sakik fian mak kuluko, bokolomele: “Nimtew angom ete ne kunum waneng bi talfut keyemsi yake?”, angeko, ibolow tiaktiak kese kale.

Beli, Yawe e kawin dim kaleem kunum waneng im ibolow sili sili nam atemeko, “Ikalem ibolow e diwkuw diwkuw sili sili nam kukuw kuw gelewkabiliw kai!”, angeko

Angse kate, Sunbin-Got e Noa em ibolow fukunin kiol so, em kukuw ken so be atemse kale.

Sang be, Noa em talfut kelewse sang te. Sunbin-Got em kiin dim e, Noa e kunum kiol kuw kunum keko bomelei, e Sunbin-Got em ibolow fukunin kuw gelewemale kunum alenale kale.

Kesomi, bokolomele: “Kilkeyemsi kunum waneng so, samal so, abiil dim boktak kakabiliw awon so, kawin dim em samal so, alik alik finik so biliw biilo kuiaw banim keyemoki te.”, angse kale.

Beem ding dim kabalak e, kawin dim kaleem kawtiw i banso kesomeliwi, waneng aul duku tem duku tem keyemsiliw kale. Keyemsomeliwi, waneng aul biim seiwel kesiliw ding dim e, finik kunum i mali waneng seiwel atite ati biilo yetemeko, ilo ibolow keyemsomi, ikalem ibolow kuw yemdusiliw kale. Yemdusomeliwi, i aul kailsomeliwi, aul bi tanbeleko, kunum waneng tiaktiak, kitil nam inkal so fasulin kunum waneng ke alenaliw kale. Keko beli, Yawe e bokolomele: “Diwkuw diwkuw, nem finik e nam kunum waneng iso be te. Nimtew angom? Kunum waneng dem so kal so biliw kasike. Ikalem itol e 120 ka kel kuw ayet keyemi te.”, angse kale.

Dangei, fein, Noa e em dangse weng be kili wosuko, fein kanelewse kale.

Keko beli, Yawe e Noa elo bokolewomele: “Kawin dim kaleem kunum waneng bi so, im ganbin so, sakalaw keko, weng bo bo kukuw so, be atin kuw fian kebe kasike, ne ilo atin kuw banim keyemoki te.

Kasike kame, Noa, ku ais kok am siw fian mak gelolewka! Gesomi, ais gom atew kawin dim em eisneng mak kulusomi, siw tem beem ais kok kut so am so be be eisneng beso gus kabilewolewka!

Sunbin-Got e kawtiw biilo yetemeko, “Im ibolow e sili sili nam kuw kai! Kawin dim kale, i sakalaw keko, weng bo bo kuw keko, teifuluko, ganomin ibolow kuw kesomeliwi, alik alik i atin kuw wa wa kukuw kuw kemaliw te. Feinka! Itel mak kunum gel mak kukuw ken so kelomin so kunum banim te.”, angse kale.

Uneko, alik alik samal angom biim yanggus mak kulu, imok mak kulu, siw tem da koyem koyem keyemolewka! Mesik esik ok tom ilo kuiaw keyemoke kasike.