Versets bíblics populars de Jeremias 14

Comparteix

Wala ni isa sa mga walang kuwentang diyos-diyosan ng mga bansa ang makapagpapaulan o makapagpapaambon. Kahit ang langit mismo ay hindi makapagpapaulan. Kayo lamang, PANGINOON na aming Diyos ang tanging makakagawa nito, kaya sa inyo po kami nagtitiwala.

Sinabi ng mga tao, “O PANGINOON, nagkasala po kami sa inyo. Palagi kaming lumalayo sa inyo kaya dapat lang kaming parusahan. Ngunit tulungan po ninyo kami ngayon, alang-alang sa karangalan ng inyong pangalan.

O PANGINOON, kinikilala namin ang aming kasamaan, pati ang kasalanan ng aming mga ninuno. Nagkasala po kami sa inyo. Huwag po ninyo kaming itakwil, alang-alang sa karangalan ng inyong pangalan. Huwag po ninyong ilagay sa kahihiyan ang marangal ninyong trono. Alalahanin po ninyo ang kasunduan ninyo sa amin. Nawaʼy huwag ninyo itong sirain.