Versets bíblics populars de Isaias 9

Comparteix

Ipapanganak ang isang batang lalaki na maghahari sa amin. Tatawagin siyang, “Kahanga-hangang Tagapayo, Diyos na Makapangyarihan, Walang Hanggang Ama, at Prinsipe ng Kapayapaan.”

Ang mga taong nabubuhay sa kadiliman ay nakakita ng matinding kaliwanagan. Kahit silaʼy nababalot ng matinding kadiliman, sila ay maliliwanagan.

Hindi magwawakas ang pag-unlad ng kanyang pamamahala, at maghahari ang kapayapaan. Siya ang magmamana ng kaharian ni David. Patatatagin niya ito at paghahariang may katarungan at katuwiran magpakailanman. Sisiguraduhin ng PANGINOON ng mga Hukbo na matutupad ito.

Ang mga bota ng mga sundalo at ang mga uniporme nilang tigmak ng dugo ay susunugin bilang panggatong sa apoy.

Subalit hindi mananatili ang kadiliman sa mga naghihinagpis magpakailanman. Noong unaʼy hinamak niya ang lupain ng Zebulun at lupain ng Neftali, ngunit sa darating na araw ay pararangalan niya ang dinadaanan patungo sa lawa, ang lupain sa ibayo ng Ilog Jordan, ang Galilea na lugar ng mga Hentil.

PANGINOON, pinalawak ninyo ang kanilang bansa at silaʼy nag-uumapaw sa tuwa. Nagagalak sila sa inyong harapan katulad ng mga taong nagagalak sa panahon ng anihan, katulad ng mga mandirigmang nagdiriwang sa paghahati-hati nila ng mga nasamsam.

Binali ninyo ang pamatok na naging pabigat, ang tungkod sa kanilang balikat, ang pamalo ng kanilang mang-aapi katulad noong nalupig ang Midian.