Versets bíblics populars de Isaias 6

Comparteix

Pagkatapos, narinig ko ang tinig ng Panginoon na nagsasabi, “Sino ang isusugo ko? Sino ang hahayo para sa amin?” Sumagot ako, “Narito po ako! Ako ang isugo ninyo.”

Sinasabi nila sa isaʼt isa: “Banal, Banal, Banal, ang PANGINOON ng mga Hukbo! Ang kapangyarihan niyaʼy sumasakop sa buong mundo.”

Sinabi ko, “Kahabag-habag ako! Tiyak na mapapahamak ako, sapagkat akoʼy may maruming labi at naninirahan ako sa kasama ng mga taong marurumi rin ang pananalita. At ngayon, nakita ko ang Hari, ang PANGINOON ng mga Hukbo.”

Noong taon ng pagkamatay ni Haring Uzias, nakita ko ang PANGINOON na nakaupo sa napakataas na trono. Ang mahabang damit niya ay nakatakip sa buong Templo.

Idinampi niya ang baga sa aking bibig at sinabi, “Tingnan mo, dumampi na ito sa iyong bibig. Ang iyong pagkakasala ay naalis na at ikaʼy pinatawad na.”

May mga makalangit na nilalang sa gawing ulo niya. Ang bawat isa sa kanila ay may anim na pakpak: Ang dalawang pakpak ay nakatakip sa kanilang mukha, ang dalawa ay nakatakip sa kanilang paa, at ang dalawa ay ginagamit nila sa paglipad.

Pagkatapos, lumipad ang isa sa mga makalangit na nilalang papunta sa akin, may dala siyang baga na kinuha niya sa altar.

Sinabi niya, “Humayo ka at sabihin mo sa mga mamamayan ng Israel, ‘Marinig man ninyoʼy hindi rin ninyo mauunawaan. Makita man ninyoʼy hindi rin ninyo maiintindihan.’

Patigasin mo ang puso ng mga taong ito. Hayaan mong hindi makarinig ang kanilang mga tainga at hindi makakita ang kanilang mga mata, sapagkat kung talagang nakakakita sila, nakakarinig, at nakakaunawa, magbabalik-loob sila sa akin, at silaʼy mapapagagaling.”