Versets bíblics populars de Mangangaral 12

Comparteix

Ngayong nabasa mo na ang lahat ng ito, ito ang aking huling payo: Matakot ka sa Diyos at sundin mo ang kanyang mga utos, dahil ito ang tungkulin ng bawat tao.

Sapagkat hahatulan tayo ng Diyos ayon sa lahat ng ating ginagawa, mabuti man o masama, hayag man o lihim.

Alalahanin mo ang lumikha sa iyo habang ikaw ay bata pa at bago dumating ang panahon ng kahirapan at masabi mong, “Hindi ako masaya sa aking buhay.” Alalahanin mo siya bago dumilim ang araw, ang buwan at ang mga bituin na parang natatakpan ng makakapal na ulap.

Kaya alalahanin mo ang Diyos habang nabubuhay ka, habang hindi pa nalalagot ang kadenang pilak at hindi pa nababasag ang gintong lalagyan, o hindi pa nalalagot ang tali ng timba sa balon, at nasisira ang kalo nito. Kung magkagayon, babalik ka sa lupa kung saan ka nagmula at ang espiritu moʼy babalik sa Diyos na siyang nagbigay nito.

Sabi ng mangangaral, “Walang kabuluhan! Tunay na walang kabuluhan ang lahat!”