Versets bíblics populars de Mar. 9

Comparteix

Minikagi si Jesus, “Nepela a so egdowa-dowa ka te mebatog ko. Wedad palos eked kebatog te Timanem megtabang te otaw somalig diyà kandin.”

Minikagi se otaw te dakel se kagi din, “Simalig a den diyà te Timanem. Lobosi se pegsalig ko diyà kandin amon eked a pegdowa-dowa.”

Peg-olì i Jesus aw menge tinoledaan din, dimoton dan kandin te wedad doma dan, aw mig-insà dan, “Nengà lay wedà day kebatog se pegpelowà te bosaw lekat kandin?” Minikagi si Jesus, “Wedà niyo iyan kebatog so eked pelowai se kemolò te bosaw seini singed aw megtawal-tawal kaw.”

“Nayan, isanged se asin diyà te kànen amon megkèpiya se nanam. Meneng aw megkewedad se kepait te asin, eked iyan ketodà. Keilangan ontò mèpiya se eg-inangen niyo amon meinang kaw iling te mèpiya kemolò te asin eked pegkewedad se kepait niyan. Keilangan eked kaw heman pegpedindilay.”

“Aw megsagman se otaw te sakop ko iling te kedanà te sebad batà seini tandà te pegpesakop din kanak, pineokit kenyan segmanen a din heman. Aw megsagman se otaw kanak, kenà olò siaken se segmanen din, so segmanen din heman se Amay ko simogò kanak.”

Eneng-enengi niyo se kagi ko kenyo seini. Aw melao kaw, aw doen otaw memegay kenyo te wayeg tandà te pegpesakop niyo diyà kanak, begayan sikandin te Timanem te ontong.”

Minikagi heman si Jesus, “Aw doen otaw mekebaet te pegpemenal te mengisù egkeidowan ko, ontò medaet se pelumun domateng diyà kandin. Labi pa mèpiya aw iketan se lieg din te dakel bato aw idagdag doton te lawod.

Aw meboyo kaw heman meg-inang te salà pineokit te mata niyo, mèpiya aw logiten niyo se mata niyo amon eked kaw peg-inang te salà aw amon sekopen kaw te Timanem diyà te peglowan din. Labi pa medaet aw meboyo kaw pineokit te mata niyo, aw iagbel se kedakel te lawa niyo doton te kilot