Versets bíblics populars de Mar. 2

Comparteix

Meneng pegdineg i Jesus te inikagi dan, minikagi sikandin, “Kenà otaw wedad mesakit se bolongen te doktor, meneng otaw doen mesakit se bolongen din. Insogò a dini kenà amon tewalen ko se otaw eg-aneng-aneng te metòlid se eg-inangen dan, meneng insogò a dini amon tewalen ko se otaw mekesesalà.”

Pegkità i Jesus te ontò dan simalig diyà kandin, minikagi sikandin diyà te otaw kenà egpekeiwal, “Elew, pigwedad den se salà nikaw.”

Minikagi heman si Jesus, “Migpunù se Timanem te doen aldaw te peg-etod kenà amon doen kelimahan te otaw, meneng amon doen kèpiyaan te otaw.

Wedà dan pekedapag diyà ki Jesus so ontò medita se otaw netipon. Yan nenayit dan doton te atep te balay sìyan, so pantal se atep niyan. Inowang dan se atep kidoen diatas i Jesus, aw intonton dan se otaw kenà egpekeiwal sipat inibatan din.

Meneng so Timanem a Migpekeotaw, ipekità ko den kenyo te mekebatog a megwedad te salà te otaw dini te tanà.” Penga niyan, minikagi si Jesus diyà te otaw kenà egpekeiwal, “Enaw ka. Loloni se inibatan no, aw olì ka den.”

Mola megpelingo-lingo se otaw megwedad te salà. Meneng eked pekebatog se otaw megpegolì te otaw kenà egpekeiwal singed aw doen tolos te Timanem diyà kandin.

Yan minenaw sikandin, aw inibing din se inibatan din, aw tinengtengan sikandin te menge otaw se minolì. Yan se doun te nepela se kedita dan, aw induyun dan se Timanem. Migpebelaw-belaway dan, “Wedad palos kinità tadon iling kenyan.”