Versets bíblics populars de Mat. 18

Comparteix

Pengkey olò dowa aw telo se otaw metipon amon megsimba kanak, kidoen a heman doma dan.”

“Mikagi a den heman diyà kenyo, aw doen dowa kenyo dini lanto te tanà, aw megsebad kaw te kenyo pemoyoen diyà te Amay ko doton te langit, metoman iyan meinang so ibegay din iyan diyà kenyo.

Tinawal i Jesus se sebad batà, aw impetindeg din iyan kidoen te tengà-tengà dan. Penga niyan, minikagi si Jesus, “Eneng-enengi niyo se kagi ko seini. Eked kaw palos sekopi te Timanem diyà te peglowan din singed todaen niyo se aneng-aneng niyo, aw megpedanà kaw iling te kedanà te mengisù.

Meneng se otaw ontò melangkaw doton te peglowan te Timanem, yan se otaw megpedanà te kandin pegkeotawun iling te kedanà te batà seini.

Aw megsagman se otaw te sakop ko iling te batà seini tandà te pegpesakop din kanak, pineokit kenyan segmanen a din heman.”

“Eneng-enengi niyo se kagi ko kenyo seini. Aw megpunù kaw te doen eked kepakay inangen dini lanto te tanà, eked heman iyan kepakay inangen doton te langit. Aw megpunù kaw te doen mepakay inangen dini lanto te tanà, mepakay heman iyan inangen doton te langit.

Minikagi si Jesus, “Aw eked kaw ontò pegwedad te salà te doma otaw, iling heman kenyan se inangen te Amay ko diyà kenyo. Eked kaw din keidowi.”

“Meneng aw doen otaw mekebaet te pegpemenal te mengisù egkeidowan ko, ontò medaet se pelumun domateng diyà kandin. Labi pa mèpiya aw iketan se lieg din te dakel bato aw idagdag doton te lawod.

“Eneng-enengi niyo ini. Aw doen otaw doen sebad gatos ayam-ayam din karniro, aw metalon se sebad, tenanan din se kesyaman teg siyam doton te bontod, aw pemehaen din se sebad.