Versets bíblics populars de Luc. 19

Comparteix

Dimini a te tanà Timanem Migpekeotaw amon tewalen ko se otaw nelegeb te salà, aw ipelowà ko dan.”

Migpegais dan, “Iduyun se Selotan seini insogò te Pengolo tadon Timanem. Begayan kidon din te kelinaw te pedowan lekat te langit. Iduyun den se Timanem.”

Minikagi si Jesus, “Aldaw seini, mekelowà ka den lekat te salà, so nemenal ka den kanak iling te pegpemenal i Abraham gebii.

Pegdateng i Jesus doton te kayo pinenitan i Sakeo, limengag sikandin aw minikagi, “Sakeo, ayas ka tenà, so keilangan meg-ogpà a kidoen te balay no te aldaw seini.” Ayas timenà si Sakeo, aw inibing din si Jesus doton te balay din, aw migsagman kandin, aw neluba se pedowan din.

Migpedapag si Sakeo diyà ki Jesus aw minikagi, “Pengolo, seini se inangen ko. Ibegay ko se ketengà te kedònan ko diyà te menge otaw nelimahan. Aw migleges a te otaw memegay kanak te kwarta, yan se lintapan ko te mekeepat.”

Doen heman menge Parisiyo timaking ki Jesus, aw minikagi dan diyà kandin, “Sir, segdahi se peg-ikagi dan kenyan.” Meneng minikagi si Jesus, “Penenalan kaw kanak. Simpana mepenek se menge otaw seini, metoman somelilin kandan se menge bato megpegais aw domuyun kanak.”