Versets bíblics populars de Luc. 10

Comparteix

Ikà niyo egkelibel kani. Doen tolos imbegay ko kenyo amon domaeg kaw te kedita te sakop i Satanas. Pengkey gìtan niyo se memokan aw doma mekeilo, meneng eked kaw elegi, so wedad palos meleg kenyo.

Meneng timaba se Pengolo, “Tay law, Marta. Pelaban ka netetana tepad te medita eg-inangen nikaw. Meneng sebad olò se kolang nikaw. Labi pa mèpiya se ininang i Maria, aw eked ko segdahi se pegpenenalan din kanak.”

Timaba sikandin, “Binasa ko se kagi seini, ‘Kedekeli niyo te pedowan se Pengolo niyo Timanem te ontò melobos se pedowan niyo kandin, aw aneng-aneng niyo, aw keseg niyo. Kedekeli niyo heman te pedowan se doma otaw iling te peg-aneng-aneng niyo te kenyo pegkeotawun.’”

Minikagi si Jesus diyà kandan, “Ontò dakel se geniyenen, aw pilabok se otaw meglegani. Timanem se tig-apò te pawà, aw keilangan megtawal-tawal kaw diyà kandin amon isogò din se menge doma otaw meglegani.

Nayan, eden lay se kamno aneng-aneng? Pengkey telo se otaw kimità te otaw nepelian te megdedempasay, meneng sinu lay se migpetaga-taga te dakel se pedowan din diyà te doma otaw?” Timaba se menenoladà, “Sìyan tege Samarya doen keido din.” Minikagi si Jesus, “Pengkey kenan ka pesalo, keilangan iling heman kenyan se inangen nikaw.”

Na, kesayo kaw den. Meneng peg-ahà kaw amon eked kaw pemilangi te mededaet otaw, so iling kaw te ayam-ayam karniro egbenganan te menenanap te kebenesan iningedanan lobo.