Versets bíblics populars de Ininang 16

Comparteix

Timaba dan, “Pemenal ka te Pengolo si Jesus amon mekelowà ka lekat te salà, sikona aw menge doma otaw eg-ogpà diyà te balay nikaw.”

Tengà te delem, migtawal-tawal si Pablo aw si Silas diyà te Timanem. Migdelangan dan heman se dimuyun te Timanem. Nenenalan kandan se menge doma otaw kineleboso. Pegketà miglinog ontò magsen, aw ontò nekayong se keleboso. Neowang se kedita te tetakep niyan, aw nelebad se sengkalì in-iket te menge otaw kineleboso.

Inibing din dan doton te lowà aw mig-insà, kagi din, “Eden lay se inangen ko amon mekelowà a lekat te salà ko?”

Pegkeloka te otaw egtonggò, kinità din se tetakep neowang, aw tinagnos din se kempilan amon megpeumul-umul, so eden din aw nekelowà den se menge otaw kineleboso. Meneng timawal si Pablo te dakel se kagi din, “Ikà egpeumul-umul, so seini pa se kedita day.”