Versets bíblics populars de Lomu 9

Comparteix

Etito ya wenena luni-kani kolinawamofe, ido auma wito lono olunawamo yamu iyaina o gedámaiye. E’e, Goti aimola yakafoko milumani kolito ani olu faka lenami yamu iyaina o gedami ne.

Aya yamu ya Mosese eti loumami, Wenena ma milumani kolito ani olu faka lenamo, ya moda nanimo kane lalo kito ya milumani kolito ani olu faka lenamo ne. Ido wenena mamu sene-muluneu kolinamo, ya moda nanimo kane lalo kito ya senemuluneu kolinamo ne, loto ka mono lufuwau ya nemo ne.

E’e, kamo eti loto loga o nedenanimo we ya faifa mikaleka we ma minoto, egaidana oto olu itibito Goti ka loumunane? Aya yamu ya eti limo, We makafo kaba oluto neta ma olufe lenami, ya netawa yakafo kamo etito olufe lo nedanimo ya neditole? loto wewa ya loumunami nefe? loto ka mono lufuwau ya nemo ne.

Etito ya aimola kala lalo kito ya wenena ma milumani kolito ani olu faka liye. Ido aimola kala lalo kito ya wenena ma luni-kani gedageto minenawae, loto olu gedo gedaiye.

Kaba masa olufe lenawamo wenena yate kaba oluti, filigaleka yauti masa ma lalo neta wenena omuni fulunamidana imo neta olufe lenune, loti koliti, ido filigaleka yauti masa ma fa neta yako olufe lenune, loti inanimo luni-kani kolinawado ya masawa olufe lenawamo ya nosámenami nefe? E’e, inanimo netanina ma nenako, inanimo luni-kani kolinawado ya moda olufe lenawamo ne.