Versets bíblics populars de Romanus 4

Comparteix

Ig ka isahkis ini gikamaxwan. Ig ka tukuh Uhokri gikaksan git aynesnima. Ini gikamaxwan ikí gawaygyi git. Ig kabayha Uhokri adahan ini gikaksan git. Mmanawa ig hiyakni apititak giyakni ku ig Uhokri kanegidatnisima adahan ig keh ku samah ig gikaksan ta git.

Hennewa in ku samah Uhokri gannasan minikweknene awna. In awna: “Nah kuwis kaniypi adahan pis humaw gahawkrikis kaayhsima hiyegipiyenepwi.” Hennewatbaki ig Uhokri awna git amekene Abrawh apim ini ku samah ig kote kakamkayhte. Mmanawa ku pariye Uhokri gikaksan ig hiyá giwtrik ke wotbe in kuwisbe danuhbe. Ig ner Uhokri ku pariye amekene Abrawh kamaxwa ta gipitit, ig ner Uhokri ku pariye keh miyarapye ipeg akiw, ku pariye kinetihwa amin ku pariye kote danuhte ke wotbe in kuwisnene danuhbe.

Pitatye ig Uhokri iké Kiyapwiye Jesus adahan miyaka udukwenaprikwiy adahan katiwnihpiye utaraksanwiy. Ayteke ig hawwata kannikasepri abetitak miyaka akiw kahadbe igme ikepye wotwiy uhiyakemniwiy nukunewa kibeyne hiyakemniki.

Ig amekene Abrawh kamaxwa ta apitit inakni Uhokri giwn ku ig kahiwhi kaayhsimanek. Ku aysaw ig ka iknama adahan ig kakamkayh ig gidukwenewa ipeg ta gipitit Uhokri ku ig humawnek gahawkrikis kaayhsima hiyegipiyenepwi.

Henneme wis ka darih gikaksan wot awakuma ukehbetannenwatma ku samah wis ihpene giwn. Kibeyne, ig ikí wotwiy kabayka he gikannenwa akak gabay ta wotwiy wixwiy ku pariye kamaxwenepwi ta gipitit. Madikte wixwiy amekene Abrawh gihiwhipwi darihpin nikwe. Ka inenwatma nerras ku pariye ihepye giwn amekene Moís gikumadukan henneme hawwata nerras ku pariye kamaxwepye ta gipitit Uhokri ke amekene Abrawhbe.

Ig amekene Davi awna: “Kaayhsima batekka ay gimunkis hiyeg taraksapye ku aysaw Uhokri bayahminigkis ariw gitaraksankis, ig ka hiyá gipathawnikis akiw. Kaayhsima batekka ay gimun pahapwi ku pariye Kiyapwiye Uhokri ka hiyapri kema patehwepyema giwtrik.” Hennewatbaki ig amekene Davi giwn.

Mmanawa ig Uhokri gannasan minikweknene awna: “Ig Abrawh kamaxwa gipitit Uhokri. Inneki keh ig Uhokri hiyapri kewa kibeynebe giwtrik.” Hennewatbaki ig Uhokri gannasan awna.