Versets bíblics populars de Roomanko'en 1

Comparteix

Mi nanataa cemtuɗum wa'ajinki Habaru Belɗum, ngam ɗum bawɗe Allah baawayɗe hisna koo moye kooliiɗomo. Arande ɗum andiniiɗum Yahuudanko'en, nden sey yimɓe naa' Yahuudanko'en.

Ngam Habaru Belɗum e holla aadilaaku Allah keɓeteeɗum barka hoolaaki Yeesu tan. Non no ɗum windiraa, “Aadiliijo o waɗay jonde hoolaaki Allah.”

Ngam daga fuɗɗoode taguki duuniyaaru, ngikku Allah ɗum yi'ataake, e njayri ɗum woni, waato bawɗe maako tabitayɗe, e ko holli o Allah. Ɗum yi'aama e njayri nder ko o tagi. Ngam maajum, yimɓe ngalaa ko mbi'a.

Koo nde e ɓe andi Allah, ɓe mawninaayimo bo Allah koo ɓe ngettamo, ammaa nyumo maɓɓe wartii meere, ɓerɗe maɓɓe ɗe mbaawataa faamuki goonga ɗe keewi nyiwre.

Ɓe ngayliti goonga Allah warti fewre. E ɓe mawnina ko tagaa haa e ɓe kuwanaɗum, ammaa Allah Tagoowo tan haani ɓe mawnina. Kanko woni kaanuɗo manteeki haa abadaa! Aamin.

Monnere Allah e wanga daga dow dow yimɓe ɓe kulataa Allah e dow kuuɗe maɓɓe kalluɗe ɗe ɓe nyo''irta goonga.

Ngam non, Allah aliɓe ɓe tokka suunooji maɓɓe cemtiniiɗi. Rewɓe maɓɓe ngayliti ko ɗum andi, rewɓe e mbalda e rewɓe. Non maa worɓe ali ko ɗum andi, ɓe ali walduki e rewɓe, suuno worɓe nangiɓe. Worɓe e mbalda e worɓe. Ngam nefniiɗum ɗum ɓe ngaɗata, ɓe keɓi halkere no haananiɓe. Nde ɓe nganyii ɓe anda Allah, Allah aliiɓe ɓe tokka nyumooji kalluɗi ngam ɓe ngaɗa ko haanaa ɗum waɗa.

E ɓe mbi'a e ɓe ngoodi ƴoyre, ammaa ɓe ngartii haaŋaaɓe. Allah tabitayɗo haani ɓe mawnina, ammaa e ɓe mawnina gunkiiji gaɗaaɗi nder nandi neɗɗo maayayɗo, e nder nandi colli, e nder nandi marle, e nder nandi ko dasotoo.