Versets bíblics populars de Habakuk 1

Comparteix

Uwumbɔr nan bui waanib ke, “Li lik man ŋitimbol ŋi mann goln nimi na, aan ki lik ke naah ga kan tiwan ni na ga chuu nimi ijawaan aan naan chuu nimi ijawaan. M ban ke m ŋa tiwan ni binib yaa tuk nimi ni pu na kan, naan tii naadii na la.

Uwumbɔr, ni ga yunn kinye aan aa ŋun maah yin si ki ban nterm pu na, aan ki nyan mi linimaln ni?

Ba ŋa aa cha m kani tibɔbir timina aaboln? Ni ga ŋa kinye aan aa li ka lik titunwanbir ki ŋmin? Mbiin ni mbimbin mu pɔɔ na le mann goln mi na, le kijaak ni kinikpakpak bi ni kookoo.

Nkaal aa kpa mpɔɔn, le ki bee fam, kina pu na, ibamɔn aa bi. Titunwanbirdam nyaŋ binib bi aabimbin ŋan na, le ki laŋ ibamɔn pu.