Versets bíblics populars de Rom 3

Comparteix

Tasah, taha mari badeh, ta amekes kandriyen ndra-in, ma taha asahan i le randra. Taha ataras mara-ei ta kalem mene Kindrei atehei ma taha winiyan bala bolo lomadan tan bwe. Arile, Kindrei tikisi taha, ma i san ta Krais Jises akohok taha ame hamon, iy edeu ndramas tan laleyah eme tataha. Ya, na ndramas tan le doh, iy aloh taha mwasin mara-ei ta madan.

San i buku doh: Buku are mwan o badih iy atehei budon tan handru in ta Jises Krais, Kindrei kameh aloh iy ndramak mwasin. Kindrei bamekes san rasan tiri Juwis, ya san rasan tiri lau badu leheleh ja, bwe. Iy bwidi san rasan le kabwe.

Kindrei atehei Jises eme mada lau mari, iy imek i nyara salom ta sikine kandriyen ndra-in ta are atehei budon tan handru i ta ndrayen. Kindrei amekes doh, ta leheya iy badeh, in hamon le ta kandriyen mwasin. Tasah, ndra bwena ndra-au eme taku nadah, iri lau amekes kandriyen ndra-in, arile Kindrei amekes kandriyen amunum mara-ei ili tiri mwan ma badih marakon, ma iy badeu maha-an laba tinan suwi bala ta kandriyen ndra-in nane iri amekes bwe. Arile, na len dah ja, Kindrei suni Jises eme imek i nyara salom ta akunoh kandriyen ndra-in taha mene amekes. Handru, iy amekes i buku doh ta taha winiyan atanan, iy le ari badeh, mwasin mara-ei. Ma iri mwan ma badih marakon atehei budon tiri in ta Jises imek ta akunoh iri ame hamon, Kindrei winiyan aloh iri mwasin ta madan.

Tasah, Kindrei atehei batanau tan eme tataha, ta leheya taha ta kandriyen ndra-in tataha i buku sah. Batanau tan le doh, winiyan bamani kandriyen ndra-in tataha bwe. Eme ma, ari ndramak winiyan basahan mwasin ta mada Kindrei na lahou iy amekes in hamon ta batanau malen, bwe.

Sahou dah handru, i buku none ndratorowenei, “Lau mari badeh, ndra ndra-in le ai, ari mwasin ja bwai; Ari ndramak badeh, tanan mwasin udu tan ja bwai, ma hawe ari ndramak batakaleh tekedek ta Kindrei bwai. Iri mara-ei ndramani san mwasin, ma iri mara-ei ndrasahan lau ndra-in labai. Ari ndramak bamekes se kandriyen mwasin bwai.”

Eme ma, taha atanan, buku mwan o badih atehei budon handru in ta Jises imek ta sikine kandriyen ndra-in tan mara-ei iu, Kindrei winiyan aloh iy mwasin mara-ei. Arile, are mwan o badih in hamon le ta batanau Kindrei mene edeu i mine Moses, Kindrei kameh winiyan basehek anya, iy mwasin mara-ei, bwe. Winiyan bwe!

Winiyan bwe! Buku lau marakon kamekes kandriyen ta wasai, Kindrei le ari badeh, bwe! Iy badeh, asehek le sahou handru len marakon, i buku none ndratorowenei, “Kindrei, na saba len ou asehek, idah kameh, ou aleben sahou, ndra handru le; ya buku none ari ndramak anya katuw ou a ta mada sahou, idah kameh, ou winiyan bakunoh bwe, iy le kameh kakunoh mara-ei.”