Versets bíblics populars de پیدایش ۵۰

Comparteix

شومأن نقشه بکشه‌ییدی کی مرَ بدی بوکونید ولی خودا اَ کارَ به خیریت وأگردأنه و کاری بوکوده کی خیلی‌یأن زنده بمأنید هَطو کی ایمروز بوبوسته.

ولی یوسف اوشأنَ بوگفته: «نَوأ ترسئنید، مگر من خودا جا سر نیشتم؟

پس نَوأ ترسئنید. من شومأن و شیمی زأکأنٚ احتیاجأنَ فراهم کونم.» اَطویی خو با محبتٚ گبأنٚ اَمرأ اوشأنَ دیلگرمَ کوده.

‹یوسفَ اَطو بیگید: خوأهش کونم کی تی برأرأنٚ بدی‌یأن و اوشأنٚ گونایأنَ ببخش چره کی ترَ اذیت بوکودید.› هسه خوأهش کونیمی، اَمی گونایأنٚ ببخشی، اَمأن کی تی پئرٚ خودا خدمتگوزارأن ایسیم.» وختی کی یوسف اوشأنٚ گبأنَ بیشنَوسته، گریه بوکوده.

یوسف خو برأرأنَ بوگفته: «من مردن درم، ولی شومأن یقین بدأرید کی خودا شمرَ یاری کونه و شمرَ جٚه اَ سرزیمین به سرزیمینی بره کی ایبراهیم و ایسحاق و یعقوبَ وعده بدَه‌بو.»

یوسف یعقوبٚ پسرأنَ قسم بدَه و بوگفته: «یقین بدأرید کی خودا شمرَ یاری کونه و شومأن وسی می خاشأنَ شیمی اَمرأ جٚه اَیه ببرید.»

یوسف صد و ده سال دأشتی کی بمرده. بَزین اونَ مصرٚ دورون مومیایی بوکودیدی و تابوتٚ دورون بنَه‌ییدی.