Versets bíblics populars de ABEKHIT 10

Comparteix

Kheakü ATUNGPUHNü Mosa ki tha, “Pharao kilim yüang; tümüde inü api tüsho ayamlarübo mulong müküpshihdo, junangde inü api miki harü amütsanbo huhbah, tüsho nü tsührü le nü tsührütsührünü sode inü Ijip ching arü bolung amütsanbo ato rhimokhi thaang, junangde I ATUNGPUH de nüsanü amükheahbah.”

Judüki ATUNGPUHNü Mosa ki tha, “Nü khah thüning lim chungkihang, junangde Ijip lomi zhingdopü thsüde amiting akheah arübah.” Jumonü Mosanü thüning lim akhah chungkih, tüsho Ijip lomi alala ching nimung mahsam amiting akheah lakheah. Arü khülangnü khülang müngüachih; yungsho sheshe nihbuh dangpung chingnü nimung mahsam matrüt. Tüshe Israelrü alala arü lapungbo ching ayin lakheah.

Jumonü Mosanü Ijip lomi kumung api tso chungkih, tüsho ATUNGPUHNü ju ni tüsho ju tsüngre amuyung aniakhiuklim pung khülang lomi ching arüshih. Tüsho küyimki ayinkhikhea, aniakhiuklim pungnü tangkhobo yünde arüa lakheah. Tangkhobo Ijip lomi alala ching arü. Arübo abo thsübah alakheah; adüso arü müngüh ha ruk tangkho mülaakheah, yungsho arü dunglim mülalo.