Versets bíblics populars de Romani 12

Comparteix

Yewa orofa akakaro Godi imuke dakaisa orounu me ibeka ari da uke ibiawe. Yanu imukeka yaisina Godibairo odiawero Dawama yabake awoena imukeka mafiaro i irauaiai imukeka mane aine wai ure imukeibiawe. Eno ufoisaie yama Godinu arararo ukekaini imukeka iwoka ufoisake irau ukekama ukenewaa ukeifoisa.

Godima iyabairo irauaiai unu koraku enoya naiyemuku nanu wake nauawe. Godima yabake imukari ukaada ma omeara ukakuneba ibake yanu me ibinu ofe ubuini yanu onarouini yaisina Godibairo iifawere ofereni odeka ari maewero mufike rooro ufi. Ie yanu irau guriguri ukeka dawa idua.

Godima i we bou uibai imuaweke koro ukaada rooro uawe. Ure yanake yabairo fafekuie imuka iura da mamiaweke owainanaku ibaada Godibairo guriguri mane ukeibiawe.

Enoya i meramawere ukekama ya da ma berefiaro irauaiai ukeka mane ukenewaa uaweke irauaiai ukeka ima i meramawere ukeka ma bereawe.

Yama yanu kakamuku naburakabake imukari ukaisa i ari yanu yanu imukari uke makaeweke yanu naiyemukunu ibi we ma daiwere uawe.

Imukari ukaadae ba imukari uawe. Yae i meramawere ukeka mediaweke irauaiai ukekabake imukenewaa ukaada enaenari uawe.

Ya yanu arara irauaiai ibifone wefoisaie urane rarane da uaweke eme yaisina emuaini demuiro me irauaiai ibiawe.

Naiyemuku, me sara orouma yabake meramawere uke yafiakaisaie nono yama emuabake moko da uke yayakaweke imuke mediawe. Godima Dawa emuabake dino ukaada moko ufeku. Godinu bukaroma i ari eno weaku, iyanu Dai Waria Mima eno weaku, i moko ukekae Nanu waiyaya weaku. Nama emenu moko umaua Godinu bukaroma eno weaku.

Yanu waiya ukaada ofe koroko da uaweke bunawere uawe. Yanu imukeka ma daiwere uaweke iyanu Dai Waria Minu waiya ukenewaa uawe.

Godima nabake imukari ukaada yewa waiya nabairo makaraya i wake wemaro nauawe. Yama yanu onaroubake iya dai oroua eno da we imuaweke yanu ibi we ma daiwere da uawe. Godi Dawa imukeka imuka adinaro yabairo mariea yanu mane owainanaku imukenewaa imuawe.

Moi mima yabake meramawere uke yafiakuie nono yama dawabake moko meramawere da uke yaewe. Anemerabubake emema ie irauaiaiya we imukaisa i imuka mane imuawe.

Yanu yanu aneme aneme da uke makaeweke irauaiai ibiaweke yanu ibi we ma daiwere da uaweke iyae dai oroua da weaweke i eraerabusa me orou da mediakaweke emuaini demuiro awaawa uke makaewe. Iyae awara buna oroua eno da we imuawe.

Ibake yaini wasai ukaisa orou emua desinima ma arama ufiakuie yama emuabake uruna mayakawero ifisa. Emua adua isa ufiakuie yama emuabake adua mayakawero ifisa. Yama emuabairo moko eno ufoisaie emuama yabairo meramawere uke yafiakaisa ibai imufeisake maruwere iboo naisaro sifiaku.

Aina ainama yabairo meramawere uke yafiakaisaie emuabake we ma irauaiai uyakaweke nono moko emua da we ma merama uyakawe. I rooro ukaisa oroubairo emuaini rooro uawe. I ii weaisa orouini demuiro ii weawe.

I Godi imukaisa orouini naka naka uaweke yanu uwararo we kuawe.

Moi demui ofe uburo eraerabusa keuwere ibinisa. Umuini wanaini omeini naisaini i eraerabusama waiya imusu imusu ukaisa. I ari enoe iya Godi imukaisi orou iyae keuwerero nono iyama Yesu Kerisobairo dakaa ukaisiie iya ofe demui ari sinaisi. Enoba iyama irauaiai mane ukeifene ibake iyanu iyanu unu kore makanaisi.